وقۋشىلاردىڭ فۋنكسيونالدىق ساۋاتتىلىعىن ساپالى دامىتۋ جۇمىستارى

جەزقازعان قالاسى
№21 جالپى ورتا ءبىلىم بەرەتىن ورتا مەكتەپ
شاحىمانوۆا ا. ە.، ساۋىتباەۆا گ. س.

وقۋشىلاردىڭ فۋنكسيونالدىق ساۋاتتىلىعىن ساپالى دامىتۋ جۇمىستارى

فۋنكسيونالدىق ساۋاتتىلىقتى دامۋدىڭ جالپى باعدارى قازاقستان رەسپۋبليكاسىندا ءبىلىم بەرۋدى دامىتۋدىڭ 2011 - 2020 جىلدارعا ارنالعان مەملەكەتتىك باعدارلاماسىندا انىق كورسەتىلگەن. ونداعى باستى ماقسات جالپى ءبىلىم بەرەتىن مەكتەپتەردە قازاقستان رەسپۋبليكاسىنىڭ زياتكەرلىك، دەنە جانە رۋحاني تۇرعىسىنان دامىعان ازاماتىن قالىپتاستىرۋ، ونىڭ فيزيكالىق قۇبىلمالى الەمدە الەۋمەتتىك بەيىمدەلۋىن قامتاماسىز ەتەتىن ءبىلىم الۋداعى قاجەتتىلىكتەرىن قاناعاتتاندىرۋ بولىپ تابىلادى. ەلباسى ن. ءا. نازارباەۆتىڭ «قازاقستان - 2050» ستراتەگياسى: قالىپتاسقان مەملەكەتتىڭ جاڭا ساياسي باعىتى جولداۋىندا «باسەكەگە قابىلەتتى دامىعان مەملەكەت بولۋ ءۇشىن ءبىز ساۋاتتىلىعى جوعارى ەلگە اينالۋىمىز كەرەك. قازىرگى الەمدە جاي عانا جاپپاي ساۋاتتىلىعى جەتكىلىكسىز بولىپ قالعانى قاشان. ءبىزدىڭ ازاماتتارىمىز ۇنەمى ەڭ وزىق جابدىقتارمەن جانە ەڭ زاماناۋي وندىرىستەردە جۇمىس جاساۋ ماشىعىن مەڭگەرۋگە دايىن بولۋعا ءتيىس.

سونداي - اق بالالارىمىزدىڭ، جالپى بارلىق جەتكىنشەك ۇرپاقتىڭ فۋنكسيونالدىق ساۋاتتىلىعىنا دا زور كوڭىل ءبولۋ قاجەت. بالالارىمىز قازىرگى زامانعا بەيىمدەلگەن بولۋى ءۇشىن بۇل اسا ماڭىزدى» دەپ اتاپ كورسەتكەن بولاتىن. «فۋنكسيونالدىق ساۋاتتىلىق» ۇعىمى وتكەن عاسىردىڭ 60 - جىلدارى يۋنەسكو قۇجاتتارىندا پايدا بولدى جانە كەيىننەن قولدانىسقا ەندى. فۋنكسيونالدىق ساۋاتتىلىق – ءبىلىم بەرۋدىڭ جەكە تۇلعانى قالىپتاستىرۋداعى الەۋمەتتىك باعدارلانۋى. قازىرگى تەز وزگەرمەلى الەمگە فۋنكسيونالدىق ساۋاتتىلىق – وقۋشىنىڭ الەۋمەتتىك، مادەني، ساياسي جانە ەكونوميكالىق قىزمەتتەرگە بەلسەندى قاتىسۋىنا، سونداي - اق ءومىر بويى ءبىلىم الۋىنا ىقپال ەتەتىن بازالىق فاكتور. رەسمي دەرەك بويىنشا، مەكتەپ جاسىنداعى بالالاردىڭ 40 پايىزى ادەبي ءماتىندى تۇسىنۋگە قينالاتىندىعى دالەلدەنگەن.

بۇلار مەكتەپتەن ءبىلىم السا دا، قىزمەت جاساۋعا كەلگەندە قاراپايىم جازۋ ۇلگىسىن بىلمەيتىندىگىن كورسەتكەن. قازاق مامانى س. راەۆتىڭ ويىنشا، ساۋاتسىزدىق دەرتى ادامعا كىشكەنتاي كەزىنەن باستاپ جۇعادى ەكەن. اسىرەسە ءبۇلدىرشىندى جازۋ مەن وقۋعا باۋلي باستاعان 1 - دەن 3 - سىنىپقا دەيىنگى ارالىقتا پايدا بولادى. ياعني، ءۇشىنشى سىنىپ وقۋشىسى ەشقاشان كىتاپحاناعا بارماسا، وقۋلىقتان باسقا ەشقانداي كىتاپ وقىماس تاعى ءبىر ەرتەڭگى ساۋاتسىزدىڭ دۇنيەگە كەلگەنى. سونىمەن، فۋنكسيونالدىق ساۋاتتىلىق دەگەنىمىز نە؟ فۋنكسيونالدىق ساۋاتتىلىعى دەگەنىمىز – ادامداردىڭ الەۋمەتتىك، مادەني، ساياسي جانە ەكونوميكالىق قىزمەتتەرگە بەلسەنە ارالاسۋى، ياعني بۇگىنگى جاھاندانۋ داۋىرىندەگى زامان اعىمىنا، جاسىنا قاراماي ىلەسىپ وتىرۋى، ادامنىڭ ماماندىعىنا، جاسىنا قاراماي ۇنەمى ءبىلىمىن جەتىلدىرىپ وتىرۋى.

ساۋاتتىلىقتى ساپالى دامىتۋ: ءبىلىم الۋداعى قاجەتتىلىكتەردى كۇندەلىكتى ساباقتا قولدانۋ. ساپالى وقىتۋ، وقىتۋدىڭ وزىق تەحنولوگيالارىن ءتيىمدى پايدالانۋ جولدارىن مەڭگەرۋ. زياتكەر، رۋحاني، ادامي تۇرعىسىندا دامىعان، الەمدەگى الەۋمەتتىك ومىرگە بەيىمدەۋ.

تولىق نۇسقاسىن جۇكتەۋ