ورالدا كولىك جۇرگىزۋ قۇقىعىنان ايىرىلعان ەر ادام وزىنە قاتە جازىلعان ايىپپۇلداردى سوت ارقىلى جويدىردى. بۇل تۋرالى infohub.kz حابارلايدى.
باتىس قازاقستان وبلىستىق سوتىنىڭ ءباسپاسوز قىزمەتىنىڭ مالىمەتىنشە، اكىمشىلىك قۇقىق بۇزۋشىلىقتار جونىندەگى مامانداندىرىلعان سوتقا ەر ادامنان ق ر اقبتك-نىڭ 592-بابى 1-بولىگى جانە 230-بابى 2-بولىگى بويىنشا جازىلعان ايىپپۇلدارعا شاعىم تۇسكەن. ول 2025 جىلدان بەرى كولىك جۇرگىزۋ قۇقىعىنان ايىرىلعانىن، ايىپپۇلدار كورسەتىلگەن اۆتوكولىكتى قۇجاتسىز ساتىپ جىبەرگەنىن ايتقان.
سوت ءوز باستاماسىمەن پوليسيا دەپارتامەنتىنەن وسى كولىكتىڭ ورالداعى قوزعالىسىنا قاتىستى قوسىمشا بەينە جانە فوتوسۋرەتتەردى سۇراتىپ الدى. تەرگەۋ بارىسىندا سول كەزدە كولىكتى باسقا بىرەۋدىڭ جۇرگىزگەنى انىقتالدى.
پوليسيا دەپارتامەنتىنە ناقتى قۇقىق بۇزۋشىنى انىقتاۋعا ۋاقىت بەرىلىپ، بۇل مەرزىمىندە ورىندالدى. سوتتىڭ ارالاسۋىمەن ايىپپۇلداردى تولەۋ تالاپتارى كولىكتى ناقتى باسقارعان جۇرگىزۋشىگە قايتا راسىمدەلدى. شاعىم بەرۋشى 64 875 تەڭگەدەن بوساتىلدى.