ورالدا پوليسەي اشىق تەرەزەنىڭ الدىندا تۇرعان كىشكەنتاي بالانى بايقاپ، قايعىلى وقيعانىڭ الدىن الدى. جانگير حان كوشەسىندەگى كوپقاباتتى ءۇيدىڭ تۇرعىندارى شامامەن 3-4 جاستاعى بالانى كورىپ، دەرەۋ پوليسيا قىزمەتكەرىنە حابارلادى، دەپ حابارلايدى infohub.kz سايتى.
وقيعا ورنىنا «شاعان» پوليسيا ءبولىمىنىڭ ۋچاسكەلىك ينسپەكتورى ۋبيش گايسين جەدەل جەتتى. بالانى اشىق تەرەزەنىڭ جانىنان كورگەن پوليسەي ونى بىردەن ءقاۋىپسىز جەرگە الىپ كەتتى.
تەكسەرۋ بارىسىندا بالانىڭ اناسى ءوز ىسىمەن ۇيدەن شىعىپ كەتكەنى، ونى 14 جاستاعى ۇلكەن اعاسىنىڭ قاراۋىنا قالدىرعانى انىقتالدى. ۇلكەن اعاسى ۇيىقتاپ جاتقاندا، بالا اشىق تەرەزەنىڭ الدىنا بارىپ، سىرتقا قاراپ تۇرعان. پوليسيا قىزمەتكەرىنىڭ جىلدام ءارى دۇرىس ارەكەتىنىڭ ارقاسىندا بالانىڭ ءومىرى مەن دەنساۋلىعىنا تونگەن ءقاۋىپتىڭ الدىن الۋ مۇمكىن بولدى.
وقيعادان كەيىن بالانىڭ اتا-اناسىمەن پروفيلاكتيكالىق اڭگىمە جۇرگىزىلدى. ولارعا بالالاردى قاراۋسىز قالدىرۋعا بولمايتىنى جانە ولاردىڭ قاۋىپسىزدىگىن قامتاماسىز ەتۋ قاجەتتىگى ءتۇسىندىرىلدى. پوليسيا بارلىق اتا-انالاردى بالالارىنا مۇقيات بولۋعا جانە اشىق تەرەزەلەردىڭ ءقاۋىپ توندىرۋىنە جول بەرمەۋگە شاقىرادى.