ورالدا ۇلى وتان سوعىسىنىڭ ارداگەرى، «حالىق قاھارمانى» اتاعىنىڭ يەگەرى يۆان گاپيچپەن قوشتاسۋ ءراسىمى ءوتتى. ول 103 جاسىندا ومىردەن وزدى، دەپ حابارلايدى infohub.kz.
باس پروكۋراتۋرانىڭ مالىمەتىنشە، ارداگەردى سوڭعى ساپارعا شىعارىپ سالۋعا باس پروكۋروردىڭ ورىنباسارى عالىمجان قويگەلدييەۆ، وڭىرلىك پروكۋراتۋرالاردىڭ باسشىلارى، مەملەكەتتىك ورگانداردىڭ وكىلدەرى، ارداگەرلەر، تۋىستارى مەن قالا تۇرعىندارى قاتىستى.
«يۆان ستەپانوۆيچتىڭ ەسىمى وتاندىق پروكۋراتۋرا تاريحىندا ەرلىكتىڭ، مەملەكەتكە ادال قىزمەت ەتۋدىڭ جانە ءوز ىسىنە بەرىلگەندىكتىڭ سيمۆولى رەتىندە ماڭگى ساقتالادى»، — دەدى باس پروكۋروردىڭ ورىنباسارى عالىمجان قويگەلدييەۆ، قاداعالاۋ ورگانىنىڭ باسشىسى بەرىك اسىلوۆ اتىنان كوڭىل ايتتى.
يۆان گاپيچ ۇلى وتان سوعىسىنان ءوتىپ، پولشانى، چەحوسلوۆاكيانى جانە ۋكراينانى ازات ەتۋگە قاتىستى. ول 1945 جىلى 24 ماۋسىمدا قىزىل الاڭدا وتكەن جەڭىس شەرۋىنە قاتىسۋشىلاردىڭ ءبىرى بولدى، ال 65 جىلدان كەيىن مەرەيتويلىق سالتانات كەزىندە ول الاڭدى تاعى دا باسىپ ءوتتى.
سوعىستان كەيىن گاپيچ 40 جىلدان استام پروكۋراتۋرا ورگاندارىندا قىزمەت ەتتى. وسى ۋاقىت ىشىندە ول بىرنەشە ءوڭىردىڭ پروكۋراتۋراسىن باسقاردى، ۆەدومستۆونىڭ ورتالىق اپپاراتىندا باسشىلىق قىزمەتتەر اتقاردى، ال قىزمەتىنىڭ سوڭعى جيىرما جىلىندا باتىس قازاقستان وبلىسى پروكۋرورىنىڭ ءبىرىنشى ورىنباسارى بولدى.
«حالىق قاھارمانى» اتاعى يۆان گاپيچكە ەلدى قورعاۋعا قوسقان ۇلەسى جانە كوپ جىلعى مەملەكەتتىك قىزمەتى ءۇشىن بەرىلدى.