قازاقستاندىق Orda.kz باسىلىمىنىڭ رەداكسياسى 2026 جىلدىڭ 1 قىركۇيەگىنەن باستاپ قىزمەتىن توقتاتاتىنىن مالىمدەدى. وسى كۇننەن باستاپ سايتتا جانە الەۋمەتتىك جەلىلەردە جاريالانىمدار شىعۋى توقتايدى، دەپ حابارلايدى infohub.kz.
جابۋ تۋرالى شەشىمدى «Ordamedia.kz» ج ش س قۇرىلتايشىسى ءارى العاشقى باسشىسى ماكسات عانييەۆ قابىلدادى. ونىڭ ايتۋىنشا، سەبەپ — قارجىلىق جاعداي: باسىلىمنىڭ كىرىسى ودان ءارى جۇمىس ىستەۋگە جەتكىلىكسىز.
«مەن Orda.kz-گە التى جىل بويى سالعان ينۆەستيسيالارىمنىڭ قورىتىندىسىن شىعارىپ، تەرەڭ مينۋستان قانداي دا ءبىر پليۋسقا شىعۋ مۇمكىندىگىم جوق ەكەنىن ءتۇسىندىم. اننا پلاتونوۆاعا جانە رەداكسيانىڭ بارلىق قازىرگى قىزمەتكەرلەرىنە اتقارعان جۇمىستارى ءۇشىن راحمەت. بارلىعىمىزبەن تولىق كولەمدە ەسەپ ايىرىسامىز. ءارقايسىڭىز وڭاي جاڭا جۇمىس تاباسىزدار دەپ سەنەمىن»، — دەپ جازدى عانييەۆ.
عانييەۆ باستاپقىدا Orda.kzء-تى بيزنەس-جوبا رەتىندە قاراستىرعانىن ايتتى. ونىڭ سوزىنشە، باسىلىم اشىق جارناما كەلىسىمشارتتارى ارقىلى تابىس تابا الادى، ءبىراق بۇل كىرىس تەك «ارەڭ ءوزىن-وزى اقتاۋعا» عانا جەتەدى.
«ال مەن ءوز جۇمىسىما قايتا ورالامىن. ءارى بولاشاقتا باق-قا ەشقاشان ينۆەستيسيا سالمايمىن»، — دەپ تۇيىندەدى باسىلىم قۇرىلتايشىسى.
Orda.kz باس رەداكتورى اننا پلاتونوۆا رەداكسيا 31 تامىزدىڭ سوڭىنا دەيىن ماتەريالدار شىعارا بەرەتىنىن حابارلادى. 1 قىركۇيەكتەن باستاپ جاريالانىمدار توقتايدى.
Orda.kz جوباسى 2020 جىلى ىسكە قوسىلعان. بۇعان دەيىن باسىلىمنىڭ بۇرىنعى باس رەداكتورى گۇلنار باجكەنوۆا ەكى جىلعا كەيىنگە شەگەرىلگەن سەگىز جىلعا باس بوستاندىعىنان ايىرۋعا سوتتالعان ەدى.