ورمانداعى اڭداردى قۇتقارۋ

ماتەماتيكادان ۇيىمداستىرىلعان وقۋ - ءىس ارەكەتىنىڭ تەحنولوگيالىق كارتاسى.
(دەنەش بلوگىن قولدانۋ ءادىسى. ورتاڭعى توپ.)
ءبىلىم بەرۋ سالاسى: تانىم.
ءبولىمى: قاراپايىم ماتەماتيكالىق تۇسىنىكتەرىن قالىپتاستىرۋ.
تاقىرىبى: ورمانداعى اڭداردى قۇتقارۋ
ماقساتى: 1 - دەن 5 - كە دەيىن تۋرا جانە كەرى ساناۋدى جالعاستىرۋ؛ گەومەتريالىق پىشىندەردىڭ 3 قاسيەتى بويىنشا(ءپىشىنى، كولەمى، ءتۇسى) انىقتاۋدى دامىتۋ؛ «الىس - جاقىن»تۇسىنىكتەرىن بەكىتۋ؛ كەڭىستىكتى بارلاۋعا ۇيرەتۋ(ورتاسى، جوعارى، تومەن، سول جاق، وڭ جاق)؛ ويلاۋ قابىلەتتەرىن دامىتۋ. تاپسىرمانى ورىنداۋ بارىسىندا ىنتاسىن، تالابىن ارتتىرىپ، زەيىندى، ءبىلىمدى بولۋعا تاربيەلەۋ.
كورنەكىلىك: «دەنەش» بلوگى، شارتتى بەلگىلەرى بار كارتوچكالار، ۇلكەن - كىشى ساندار جيناعى، ۇلەستىرمەلى ماتەريالدار(2 - جولاقتى جولاقشالار، گەومەتريالىق پىشىندەر)
ساباق بارىسى.
شاتتىق شەڭبەرى:
ارايلاپ تاڭ اتتى،
التىن ساۋلە تاراتتى.
جايناي بەرسىن قالامىز،
گۇلدەي بەرسىن دالامىز.
قايىرلى تاڭ، بالالار!
قايىرلى تاڭ، اپايلار!
- بالالار، ءبىر جىلدا نەشە مەزگىل بار؟
- قانداي؟
- ءقازىر قانداي مەزگىل؟
- قىس مەزگىلىندە نەشە اي بار؟
- كىم اتاپ بەرەدى؟
- ءقازىر قانداي اي؟

(تاڭعاجايىپ ءسات)
- بالالار، بىرەۋ ەسىك قاعىپ تۇران سياقتى.
- قاراڭدار بىزگە حات كەلىپتى، كىمنەن كەلدى ەكەن؟(اشىپ وقۋ)
«سالەم بالالار! ماعان سەندەردىڭ كومەكتەرىڭ كەرەك، جالماۋىز كەمپىر ورمانداعى اڭداردى تورعا قاماپ، ق ۇلىپتاپ قويدى. ولاردى قۇتقارۋ ءۇشىن جالماۋىز كەمپىردىڭ تاپسىرمالارىن ورىنداۋ كەرەك.
سالەممەن ورمان اتا»
- بالالار، اڭدارعا كومەكتەسەمىز بە!؟
- وندا تەزىرەك اتتانايىق. قالاي ويلايسىڭدار، نەمەن بارۋعا بولادى؟
- بۇگىن ءبىز ورمانعا اۆتوبۋسپەن بارامىز.
- اۆتوبۋسقا ءمىنۋ ءۇشىن نە كەرەك؟
(«دەنەش» بلوگىمەن جۇمىس، بالالارعا شارتتى بەلگىلەرى بار كارتوچكالار تاراتىلادى، وسى بەلگىلەردى وقۋ ارقىلى وزدەرىنە كەرەك گەومەتريالىق پىشىندەردى تاۋىپ، سونداي پىشىندەر جاپسىرىلعان ورىندىقتارعا وتىرادى)
- كانە، بيلەت ساتىپ الامىز، ورنىمىزعا وتىرامىز.
بيلەت تەكسەرۋ.
- بيلەتىڭىزدىڭ ءتۇسى قانداي؟ ءپىشىنى قانداي؟