ورنەكتەردى سالىستىرۋ

ءپان ءمۇعالىمى: ساگينباەۆا جانار

ماتەماتيكا 1 سىنىپ
ساباقتىڭ تاقىرىبى: ورنەكتەردى سالىستىرۋ.
ماقساتى: ورنەكتەردى سالىستىرۋ، قۇراستىرۋ داعدىلارىن قالىپتاستىرۋ؛ لوگيكالىق ويلاۋلارىن دامىتۋ.
تىرەك بىلىمدەرىن جەتىلدىرۋ.
ءبىلىم، بىلىك، داعدىلارىن جەتىلدىرۋ جۇمىسى الدىڭعى ساباققا ۇقساس جۇرگىزىلەدى. جاڭا ماتەريالدى قابىلداۋعا دايىنداۋ ءۇشىن الدىڭعى ساباقتا جۇرگىزىلگەن «وتىر - تۇر» ويىنىن قايتالاۋعا بولادى.

جاڭا ماتەريالمەن تانىستىرۋ.
جاڭا ساباقپەن تانىستىرۋ جۇمىسىن تاقتادا كورسەتۋ ارقىلى باستاعان ءجون. ءمۇعالىم جيناق پولوتنوسىنا 4 شارشى مەن 2 دوڭگەلەكتى قويادى جانە تەڭسىزدىك قۇراستىرۋدى سۇرايدى. سودان كەيىن 1 شارشىنى الىپ تاستايدى، بالالار بۇل امالدى بەينەلەپ كورسەتەتىن ورنەكتى قۇراستىرادى (4 - 1) جانە شارشىنىڭ سانىن دوڭگەلەكتىڭ سانىمەن سالىستىرادى.
سودان كەيىن وقۋشىلار №1 جانە 2تاپسىرمالاردى ءمۇعالىمنىڭ جەتەكشىلىگىمەن
تاقتادا ورىندايدى.№1فليپچارتتى پايدالانۋ.

داپتەرمەن جۇمىس.
№1 تاپسىرمادا الدىمەن سۋرەت بويىنشا ورنەكتەر قۇراستىرىلادى. ولاردى تاقتاعا نەمەسە داپتەردەگى سۋرەتتىڭ استىنداعى ارنايى بەرىلگەن توركوزدەرگە جازعان دۇرىس. سۋرەتكە سايكەس ورنەكتەردى مىندەتتى تۇردە وقۋ كەرەك. ەندى بالالارعا ولاردى سالىستىرۋ ۇسىنىلادى. ەكى تاسىلمەن سالىستىرۋعا بولادى: 1) الدىمەن ورنەكتىڭ ءمانىن تاۋىپ (جوعارى جاعىنا جازىپ قويۋعا دا بولادى)، سودان كەيىن ولاردى سالىستىرۋ؛ 2) ورنەكتەرگە سالىستىرۋ جۇمىسىن جۇرگىزۋ (سول جاق بولىگىندە 2 - گە 1 - ءدى قوستىق، وڭ جاق بولىگىندە 2 - گە 2 - ءنى قوستىق، دەمەك سول جاقتاعى ورنەك كەم).
№2 تاپسىرما جازۋ داعدىلارىن جەتىلدىرۋگە ارنالعان.

№3 تاپسىرما ورنەكتەردى سالىستىرا الۋدى ۇيرەتۋگە ارنالعان. داپتەرگە جازباس بۇرىن سۋرەت بويىنشا تالداۋ جۇمىسى جۇرگىزىلىپ، ورنەك پەن ورنەكتى سالىستىرۋ ءتاسىلى تۇسىندىرىلەدى، الدىمەن ورنەكتەردىڭ ءمانىن ەسەپتەپ الۋ كەرەك ەكەنىنە كوزدەرىن جەتكىزەدى.№2 فليپچارتتى پايدالانۋ.
وقۋلىقتاعى №3 تاپسىرما داپتەرگە ورىندالادى. جازۋلار بالالارعا بۇل قيىن تاپسىرمانى ورىنداۋ جەڭىلىرەك بولۋ ءۇشىن داپتەردە دايىندالىپ بەرىلگەن. ءمۇعالىم ءوز تالداۋلارىن داۋىستاپ ايتۋدى سۇرايدى. مىسالى: 3 كوك ۇشاق جانە 1 سارى ۇشاق بەينەلەنگەن. «1 + 3» ورنەگىن جازۋعا بولادى. وڭ جاقتا 1 سارى جانە 3 قىزىل تىكۇشاق بەينەلەنگەن. «3 + 1» ورنەگى جازىلادى. ۇشاقتار مەن تىكۇشاقتاردىڭ سانى تەڭ. «=» تاڭباسىن قويامىز. تەڭدىك پايدا بولدى.

وتىلگەن ماتەريالدى بەكىتۋ.
№4 - داپتەردە ءوز بەتتەرىنشە ورىنداۋعا ارنالعان تاپسىرما. وسى تاپسىرما ارقىلى وقۋشىلاردىڭ جاڭا ساباقتى قالاي مەڭگەرگەندىكتەرى انىقتالادى، بىلىمدەرى بەكىتىلەدى. بالالار مىسالداردى داپتەرگە وزدەرى كوشىرىپ جازۋدى ۇيرەنەدى.
«مەنىڭ ورنىم قايدا؟» ديداكتيكالىق ويىنى ارقىلى ساباق قورىتىندىلانادى.