بۇگىن، 18 شىلدەدە، قازاقستاننىڭ مەملەكەتتىك ورمان قورى اۋماعىندا ءۇش جاڭا ءورت وشاعى تىركەلدى، دەپ حابارلايدى infohub.kz سايتى.
ەكولوگيا مينيسترلىگىنىڭ Telegram-ارنادا جاريالانعان مالىمەتىنشە، ورمان ورتتەرىنىڭ ءبىرى اقمولا وبلىسىندا، ەكىنشىسى شىعىس قازاقستان وبلىسىندا، ءۇشىنشىسى پاۆلودار وبلىسىنداعى «باياناۋىل» مەملەكەتتىك ۇلتتىق تابيعي پاركىندە بولعان.
«ءورت وشاقتارىن جەدەل انىقتاۋ جانە جويۋ ءۇشىن مەملەكەتتىك ورمان كۇزەتى قىزمەتكەرلەرى، «قازاۆياورمانقورعاۋ» رمك كۇشتەرى مەن قۇرالدارى، سونداي-اق قاجەت بولعان جاعدايدا توتەنشە جاعدايلار مينيسترلىگىنىڭ بولىمشەلەرى جۇمىلدىرىلدى. ورمان ورتتەرىن وقشاۋلاۋ جانە تولىق جويۋ جۇمىستارى جالعاسۋدا. احۋال تۇراقتى باقىلاۋدا»، – دەپ سەندىردى ەكولوگيا مينيسترلىگى.
ەلدىڭ ءبىرقاتار وڭىرىندە ءورت ءقاۋىپى جوعارى بولىپ قالىپ وتىرعاندىقتان، قازاقستاندىقتار ورماندا جانە تابيعات اياسىندا بولعان كەزدە ءورت قاۋىپسىزدىگى ەرەجەلەرىن قاتاڭ ساقتاۋعا، تىيىم سالىنعان جەرلەردە وت جاعۋعا جول بەرمەۋگە جانە بارىنشا ساق بولۋعا شاقىرىلدى.