1 تامىزداعى جاعداي بويىنشا قازاقستاندا جيىنتىق زەينەتاقىنىڭ ورتاشا مولشەرى 197،5 مىڭ تەڭگەنى قۇرادى، دەپ حابارلايدى infohub.kz سايتى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ شولۋىنا سايكەس، ەڭ تومەنگى زەينەتاقى 104،6 مىڭ تەڭگەگە، ال ەڭ جوعارىسى 238،4 مىڭ تەڭگەگە جەتتى.
2026 جىلدىڭ باسىنان باستاپ جىل سايىنعى يندەكساسيا اياسىندا ىنتىماقتى زەينەتاقىلاردىڭ (1998 جىلعى 1 قاڭتارعا دەيىن جيناقتالعان ەڭبەك وتىلىنە بايلانىستى تولەمدەر) مولشەرى 10%-عا ارتتىرىلدى. مەملەكەتتىك بازالىق زەينەتاقى دا 10%-عا ءوستى.
بۇل رەتتە بازالىق زەينەتاقىنىڭ ەڭ جوعارى مولشەرى كۇنكورىس مينيمۋمىنىڭ 118%-ىنا دەيىن ءوستى. ناتيجەسىندە جيىنتىق زەينەتاقىنىڭ (بازالىق جانە ىنتىماقتى) ەڭ تومەنگى مولشەرى 104،6 مىڭ تەڭگەنى، ال ەڭ جوعارىسى 238،4 مىڭ تەڭگەنى قۇرادى.
سونىمەن، 1 تامىزداعى جاعداي بويىنشا ورتاشا زەينەتاقى مولشەرى 197،45 مىڭ تەڭگە بولدى، ونىڭ 54 مىڭ تەڭگەسى — بازالىق زەينەتاقى، 103،4 مىڭ تەڭگەسى — ىنتىماقتى جانە 40 مىڭ تەڭگەسى — جيناقتاۋشى زەينەتاقى.
1 تامىزداعى جاعداي بويىنشا زەينەتكەرلەر سانى 2،6 ملن ادامدى قۇرادى. 2026 جىلى مەملەكەت زەينەتاقى تولەۋگە 4،9 ترلن تەڭگە (ىنتىماقتى زەينەتاقىعا 3،2 ترلن تەڭگە جانە بازالىق زەينەتاقىعا 1،6 ترلن تەڭگە) ءبولۋدى جوسپارلاپ وتىر.
بۇعان دەيىن «كۋرسيۆ» 2026 جىلى زەينەتاقى مولشەرى نەگە بايلانىستى ەكەنىن جازعان بولاتىن.