قازاقستانداعى اسكەري پوليسيا وسكەمەندەگى اسكەري بولىمنەن ءوز ەركىمەن كەتكەن مەرزىمدى قىزمەتشىنى ىزدەۋگە شىقتى، دەپ حابارلايدى NUR.KZ.
ق ر قارۋلى كۇشتەرى اسكەري پوليسيا باسقارماسىنىڭ Instagram پاراقشاسىندا بىرنەشە كۇن بۇرىن بولىمشەدەن كەتكەن قاتارداعى جاۋىنگەرگە باعدار بەرىلگەن. ءباسپاسوز قىزمەتىنىڭ مالىمەتىنشە، وقيعا 2026 جىلعى 23 شىلدەدە ساعات 06:30 شاماسىندا بولعان. قاتارداعى جاۋىنگەر مارحان ا.ە. (31 ناۋرىز 2004 جىلى تۋعان) تاۋلىكتىك كەزەكشىلىكتە كەزەكشى بولىپ ءجۇرىپ، ءوز ەركىمەن قىزمەت ورنىن تاستاپ كەتكەن. قارۋ-جاراق بولماعان. ول بولىمشە اۋماعىنان كيىم ۇلگىسىمەن كەتكەن دەپ بولجانۋدا، ءبىراق ازاماتتىق كيىمگە اۋىسۋى مۇمكىن.
ىزدەستىرىلىپ جاتقان ادامنىڭ بەلگىلەرى: بويى 177 سم، سالماعى شامامەن 80 كگ، دەنە ءبىتىمى ورتاشا، كوزى مەن شاشى قارا، شاشى قىسقا، بەتىندە مەڭدەر بار.
اسكەري پوليسيا ءبولىمى ىشكى ىستەر ورگاندارىمەن بىرلەسىپ ىزدەستىرۋ شارالارىن جۇرگىزۋدە. ۆەدومستۆو ازاماتتاردان اسكەري قىزمەتشىنىڭ ورنالاسقان جەرى تۋرالى كەز كەلگەن اقپاراتتى حابارلاۋدى سۇرايدى. اقپارات قۇپيا تۇردە قابىلدانادى. ىزدەستىرۋ شارالارى ق ر قارۋلى كۇشتەرى اسكەري پوليسيا باس باسقارماسىنىڭ باسشىلىعىنىڭ باقىلاۋىندا.
سەنىم تەلەفوندارى: 8 (7232) 62-34-15، 8 705 508 39 39، 8 775 553 53 35.