وسكەمەندەگى تۇرعىن ۇيلەردىڭ ءبىرىنىڭ اۋلاسىندا 5518 اسكەري ءبولىمىنىڭ مەرزىمدى قىزمەتتەگى ساربازدارى قۇرامى بەلگىسىز ۇنتاق ءتارىزدى زات سالىنعان 60-قا جۋىق تۇيىنشەكتى تاپتى، دەپ حابارلايدى infohub.kz سايتى.
NUR.KZء-تىڭ ۇلتتىق ۇلانعا سىلتەمە جاساپ حابارلاۋىنشا، كۇدىكتى زاتتى ۇلاندىقتار قالا كوشەلەرىندەگى پاترۋلدەۋ كەزىندە بايقاعان. سودان كەيىن تاعى دا ونداعان وسىنداي تۇيىنشەك تابىلعان.
«پاترۋلدەۋ كەزىندە ءبىز اۋماقتى، سونىڭ ىشىندە قاراڭعى جانە جاسىرىن جەرلەردى مۇقيات تەكسەرەمىز. قالىڭ اعاشتاردىڭ قاسىنان ءوتىپ بارا جاتىپ، كۇدىكتى زاتتى بايقادىم. سىرتقى تۇرىنە قاراپ، ىشىندە ەسىرتكىگە ۇقساس زات بولۋى مۇمكىن دەپ ويلادىم. دەرەۋ اسكەري نارياد باستىعىنا باياندادىم، سودان كەيىن وقيعا ورنىنا تەرگەۋ-جەدەل توبى شاقىرىلدى»، — دەدى قاتارداعى د. حاسەنوۆ.
ايتا كەتەيىك، ۇلاندىقتار بارلىعى 60-قا جۋىق تۇيىنشەك تاپقان. ولار قىزىل، كوك جانە قارا ءتۇستى يزولەنتامەن ورالعان.
«تابىلعان تۇيىنشەكتەر الىنىپ، ساراپتاماعا جىبەرىلدى. ماماندار ولاردىڭ ناقتى قۇرامىن انىقتاپ، زاتتىڭ ءتۇرىن ايقىنداۋى كەرەك»، — دەلىنگەن ۇلتتىق ۇلان حابارلاماسىندا.