وسكەمەندە پوليسەيلەر جەرگىلىكتى تۇرعىنعا ءبىر ميلليون تەڭگەدەن استام قارىزى ءۇشىن ىزدەۋ جاريالانعان ايەلدىڭ ورنىن انىقتادى، دەپ حابارلايدى infohub.kz سايتى.
ءىىم ۆەدومستۆولىق سايتىندا حابارلانعانداي، جەكە سوت ورىنداۋشىسىنىڭ قارىزگەردى ىزدەۋ تۋرالى قاۋلىسى وسكەمەن قالالىق پوليسيا باسقارماسىنىڭ كوشى-قون قىزمەتى بولىمىنە تۇسكەن. ايەل 2025 جىلدىڭ جەلتوقسانىنان بەرى ءوز مىندەتتەمەلەرىن ورىنداۋدان جالتارىپ كەلگەن.
جۇرگىزىلگەن ىزدەستىرۋ ءىس-شارالارى بارىسىندا كوشى-قون قىزمەتىنىڭ قىزمەتكەرلەرى 31 جاستاعى قارىزگەر ايەلدىڭ ورنىن انىقتادى. ول شىمكەنتتەن تابىلدى. ونىڭ ورنى تۋرالى اقپارات سوت ورىنداۋشىسىنا قارىزدى ماجبۇرلەپ ءوندىرىپ الۋ شارالارىن قولدانۋ ءۇشىن بەرىلدى، دەلىنگەن حابارلامادا.
جىل باسىنان بەرى شىعىس قازاقستان وبلىسى پوليسيا دەپارتامەنتى ىزدەۋدە بولعان 65-تەن استام قارىزگەردىڭ ورنىن انىقتادى.
شقو پد كوشى-قون قىزمەتى اتقارۋشى قۇجاتتاردىڭ تالاپتارىن ورىنداماعانى ءۇشىن قازاقستان رەسپۋبليكاسىنىڭ زاڭناماسىندا اكىمشىلىك جانە قىلمىستىق جاۋاپكەرشىلىك قاراستىرىلعانىن ەسكە سالادى، سونداي-اق ازاماتتاردى قوسىمشا سانكسيالاردى بولدىرماۋ ءۇشىن ءوز مىندەتتەمەلەرىن ۋاقىتىلى ورىنداۋعا شاقىرادى، دەپ قوستى پوليسيا.