16 شىلدەدە وسكەمەندەگى قازاقستان تاۋىنداعى مەملەكەتتىك تۋ جىرتىلعانى بايقالدى. بۇل تۋرالى infohub.kz سايتى حابارلايدى.
الەۋمەتتىك جەلىلەردە جىرتىلعان مەملەكەتتىك نىشاننىڭ سۋرەتتەرى تاراتىلۋدا. تۋدىڭ ۇزىندىعى – 24 مەتر، ەنى – 12 مەتر.
وسكەمەن قالالىق اكىمدىگىنىڭ ءباسپاسوز قىزمەتى رەداكسياعا: «اۋىستىرۋ ءۇشىن بريگادا شىعىپ كەتتى. ولار جەدەل تۇردە اۋىستىرادى»، – دەپ مالىمدەدى.
بۇل تاۋداعى تۋدىڭ جەلدىڭ كۇشتى ەكپىنىنەن جىرتىلۋى العاش رەت ەمەس. 2014 جىلعى دەرەك بويىنشا، مۇنداي ءبىر تۋدىڭ قۇنى ءبىر ميلليون تەڭگەدەن اسقان. قاتتى جەلدەن ماتا تەز توزادى، جىلىنا بىرنەشە رەت اۋىستىرۋعا تۋرا كەلەدى. مىسالى، 2017 جىلى وسى تۋدى اۋىستىرۋعا بەس ميلليون تەڭگەدەن استام قارجى جۇمسالعان.
بۇعان دەيىن قازاقستاندىق پاتريوتتارعا بالكوندارعا تۋ ىلۋگە رۇقسات ەتىلگەن بولاتىن.