وتباسىڭا جاقسىلىق تىلەيمىن

ءوزىن - ءوزى تانۋ
اشىق ساباق
تاقىرىبى: وتباسىڭا جاقسىلىق تىلەيمىن

ماقساتى: وقۋشىلاردىڭ ساناسىنداعى «وتباسى»، «ءۇي» ۇعىمدارىن كەڭەيتۋ، بالالار بويىندا جانۇياداعى ءوزارا جاقسى قارىم - قاتىناس پەن تاتۋلىققا ۇمتىلۋدى قالىپتاستىرۋ.
ادىستەر: اڭگىمە، اڭگىمەلەسۋ، وقۋلىقپەن جۇمىس، ءتۇسىندىرۋ.
قۇرال - جابدىقتار: وقۋلىق، كومەكشى داپتەر، قايشى، جەلىم، فلوماستەرلەر، ءتۇرلى - ءتۇستى قارىنداشتار

ساباقتىڭ بارىسى:
شاتتىق شەڭبەرى
- بالالار، ءبارىمىز ورتاعا شىعىپ «جىلىلىق شەڭبەرىن» قۇرايىق.

شەڭبەر بولىپ تۇرايىق جىلى جۇزبەن،
بىزگە كەلسىن قۋانىش، نۇر ىزدەگەن.
شۋاق تولعان جانىمىز، جۇرەگىمىز،
ۇلگى السىن كورگەن جان مىنا بىزدەن.

ءوزىڭنىڭ سۇيىكتى وقۋشىلارىڭدى «ءوزىن - ءوزى تانۋ» ساباقتارىندا كورگەن قانداي جاقسى. وسىنداي مەيىرىمدى، اقىلدى، ومىرگە، بىلىمگە قۇشتار بالالارىمدى كورگەنىمە وتە قۋانىشتىمىن. سەندەرمەن بىرگە بولعانىما تەك مەن عانا ەمەس، شۋاقتى كۇن دە قۋانىپ تۇرعانداي. ەندەشە ءبىز دە ءبىر - بىرىمىزگە ك ۇلىمسىرەپ، الاقاندارىمىزدىڭ جىلۋىن بايقاي وتىرىپ، سالەم بەرەيىك! بۇگىنگى كۇنىمىز كوڭىلدى ءارى جاراسىمدى اياقتالۋى ءۇشىن وزىمىزگە جانە كەلگەن قوناقتارعا جاقسىلىق، كوتەرىڭكى كوڭىل تىلەيىك.
- ءبىز تاعى دا بىرگەمىز،
- سوگىلمەيدى ىرگەمىز.
- قۇشىپ كۇننىڭ شۋاعىن،
- كورىسەمىز قۋانىپ.
- امانسىز با، التىن كۇن،
- امانسىز با كوك اسپان
- امانسىز با اعايىن
- سىزدەردى كورسەم قۋانام.
مىنە، تاماشا! ال، ەندى مەن سەندەردى ىڭعايلانىپ وتىرۋعا شاقىرامىن. كوزدەرىڭدى جۇما قويىڭدار.

تىنىشتىق ءساتى
اۋەن وينالادى.
مەن اۋەندى قوسقان كەزدە ءبارىمىز جۇرەگىمىزدەگى سيقىرلى الەمگە اتتانامىز. (تىنىس الۋ) ءبىزدىڭ جۇرەگىمىزدە كىشكەنتاي ادام ءومىر سۇرەدى. ونىڭ اتى دا ءدال سەندەردىكىندەي. قولدارىڭدى جۇرەكتەرىڭنىڭ تۇسىنا قويىپ، ونىڭ قالاي سوعىپ تۇرعانىن سەزىنىڭدەرشى (تىنىس الۋ). ول ءبىزدىڭ جۇرەگىمىزدىڭ ىشىندەگى «مەن وسىندامىن». «مەن سەنىمەن بىرگەمىن»- دەپ تۇرعان كىشكەنتاي ادام عوي. وعان وزدەرىڭنىڭ كۇلكىلەرىڭدى سىيلاڭدار. جۇرەگىمىزدەگى كىشكەنتاي ادام ءارقاشاندا بىزبەن بىرگە بولادى. جۇرەگىمىز بىزگە تەك اقىلدار مەن جاقسى سوزدەر ايتاتىن بولادى. سەبەبى، ونى تەك ءبىز ءوزىمىز عانا ەستي الاتىن بولامىز. جۇرەكتەرىڭە ىشتەي راحمەت ايتىڭدار. ول سەندەردىڭ ريزاشىلىق سوزدەرىڭدى ەستىسىن. سەزدىڭدەر مە، ول ودان دا بەتەر قاتتى سوعىپ كەتتى. ولار ءبىزدى ەستىگەنىن ءبىلدىرىپ جاتىر. وسى ءساتتى ەستەرىڭە ساقتاڭدار!
ەندى كوزدەرىڭدى اشا قويىڭدار. قولدارىڭدى جوعارى، سودان كەيىن ەكى جاققا سوزىڭدار. تەرەڭ دەم الىڭدار.
مىنە، تاماشا!

الماتى قالاسى،
«جاڭا عاسىر» №175 گيمنازياسىنىڭ
باستاۋىش سىنىپ ءمۇعالىمى
ابيلكاسىموۆا اينا نۋرادينوۆنا

تولىق نۇسقاسىن جۇكتەۋ