زەينەتاقى جيناعىنىڭ ءبىر بولىگىن الۋعا ارنالعان جەتكىلىكتىلىك شەگىنىڭ ارتۋى «وتباسى بانكىنىڭ» باعدارلامالارىنا سۇرانىستىڭ تومەندەۋىنە اكەلگەن جوق. بۇل تۋرالى ۇكىمەتتەگى بريفينگتە بانك باسقارماسىنىڭ ءتورايىمى ءلاززات يبراگيموۆا مالىمدەدى، دەپ حابارلايدى NUR.KZ ءتىلشىسى... infohub.kz سايتى حابارلايدى.
«زەينەتاقى جيناعىنىڭ جەتكىلىكتىلىك شەگىنىڭ ارتۋى „وتباسى بانكىنە“ اقشا اعىنىنا ايتارلىقتاي اسەر ەتكەن جوق. وتكەن جىلمەن سالىستىرعاندا ءوسىم قارقىنى 20%-دان استى، جىل باسىنان بەرى 800 ملرد تەڭگە. زەينەتاقى جيناعىنىڭ كوپ بولىگى تۇرعىن ءۇي قۇرىلىس جيناق دەپوزيتتەرىندە پايدالانىلدى، مۇندا ادام ءوزىنىڭ جيناق تاريحىن قالىپتاستىرادى. سوندىقتان شىلدە-تامىز ايلارىندا وتىنىمدەر سانىنىڭ ارتقانىن دا كورىپ وتىرمىز»، — دەدى ءلاززات يبراگيموۆا.
ول مۇنى «1 قىركۇيەك ەففەكتىسى» دەپ اتادى. «بالالارىنا جىلدار بويى جيناقتاعان ادامدار. بۇلاردىڭ بارلىعى 50% - 50% جيناقتاعاندار. بۇلار مەملەكەتتىك باعدارلامالارعا قاتىسۋشىلار ەمەس، ولار ءوز قاراجاتتارىن سالعان. جەتكىلىكتىلىك شەگىنىڭ جوعارىلاۋىنا بايلانىستى ەشقانداي اۋىتقۋلاردى بايقامايمىز. باستارتۋ سانى دا سول دەڭگەيدە قالدى. بىزدە باستارتۋدى سكورينگ جۇيەسى ءوزى جاسايدى. ول ءسىزدىڭ الدىڭعى نەسيە تاريحىڭىزعا — قارىزدارىڭىزعا، مەرزىمى وتكەن تولەمدەرىڭىزگە قاراپ ەسەپتەۋلەر جۇرگىزەدى»، — دەپ ءتۇسىندىردى سپيكەر.
ەسكە سالايىق، 6 ماۋسىمدا قازاقستاندا زەينەتاقى جيناعىن پايدالانۋعا ارنالعان جاڭا ەڭ تومەنگى جەتكىلىكتىلىك شەكتەرى بەلگىلى بولدى، ولار 2026 جىلعا ەسەپتەلگەن جانە ەسەپتەۋ ادىستەمەسىندەگى وزگەرىستەردى ەسكەرەدى. كەيىننەن بجزق جەتكىلىكتىلىك شەگىنىڭ نەلىكتەن ەكى ەسەگە جۋىق وسكەنىن ءتۇسىندىردى.