وزبەكستان بيلىگى ستەيبلكويندەردى قامتاماسىز ەتۋ تالاپتارىن كەڭەيتىپ، ەميتەنتتەرگە قولما-قول اقشامەن قاتار مەملەكەتتىك باعالى قاعازداردى پايدالانۋعا رۇقسات بەردى، دەپ infohub.kz حابارلايدى.
بۇعان دەيىن ەكسپەريمەنتالدى رەجيمدە ستەيبلكويندەردى شىعارۋ تەك ۇلتتىق نەمەسە شەتەل ۆاليۋتاسىنداعى قامتاماسىز ەتۋ بولعاندا عانا مۇمكىن ەدى. ەندى ەميتەنتتەر وزدەرىنە تيەسىلى مەملەكەتتىك باعالى قاعازداردى دا قامتاماسىز ەتۋ قۇرامىنا قوسا الادى.
جاڭا تالاپتار بويىنشا، اقشا قاراجاتى ورتالىق بانكتەگى ارنايى شوتتا ساقتالۋى كەرەك، ال مەملەكەتتىك وبليگاسيالار رەتتەۋشىنىڭ پايداسىنا ورتالىق دەپوزيتاريدە بۇعاتتالۋى ءتيىس. بۇل رەتتە ەميتەنت باعالى قاعازدار بويىنشا كۋپوندىق كىرىس جانە باسقا تولەمدەردى الۋ قۇقىعىن ساقتايدى.
قۇجات سونداي-اق سيفرلىق اكتيۆتەر ۇستاۋشىلارىن قورعاۋعا قوسىمشا تالاپتار بەلگىلەيدى. ورتالىق بانكتەگى شوتتا ورنالاستىرىلعان قاراجاتتىڭ جيىنتىق قۇنى مەن بۇعاتتالعان مەملەكەتتىك باعالى قاعازداردىڭ نومينالدىق قۇنى اينالىستاعى بارلىق ستەيبلكويندەردىڭ جالپى نومينالدىق قۇنىنان كەم بولماۋى كەرەك.
سونىمەن قاتار، رەتتەۋشى مۇنداي قامتاماسىز ەتۋدى قالىپتاستىرۋ ءۇشىن قارىز قاراجاتىن، ونىڭ ىشىندە نەسيەلەر مەن كەپىلگە قويىلعان م ۇلىكتى پايدالانۋعا تىيىم سالدى.