وزگە ءتىلدىڭ ءبارىن ءبىل، ءوز ءتىلىڭدى قۇرمەتتە!

قۇرمەتتى سايت ۇستازدارى!
22 قىركۇيەك «قازاقستان حالىقتارىنىڭ تىلدەرى كۇنى» مەرەكەسىنە وراي «بىلىمدىلەر» پورتالى وقۋشىلار اراسىندا «وزگە ءتىلدىڭ ءبارىن ءبىل، ءوز ءتىلىڭدى قۇرمەتتە!» اتتى شىعارما سايىسىن ۇيىمداستىرادى. وقۋشىلاردى قۇلاقتاندىرۋدى ۇستازدار قاۋىمىنان سۇرايمىز، وقۋشىلارىنىڭ جۇمىسىن سايتقا ۇستازدار وزدەرى ەنگىزۋىنە بولادى. جۇمىس بايگە بولىمىنە جاريالانادى.

ەرەجە:
جۇمىس Word-تا قاتەسىز تەرىلۋى قاجەت، شريفت ولشەمى 14، جارتى بەتتەن اسا، ءبىر بەتكە جۋىق جۇمىس بولۋى كەرەك. بۇرىن باسقا سايتتاردا جاريالانباعان ەش سايتتان كوشىرىلمەگەن اۆتورلىق جۇمىس بولۋى كەرەك.
جۇمىستى سايت قىزمەتكەرلەرى وزدەرى باعالايدى.

شىعارما سايىسىنا مىنا جاس ارالىقتارى بويىنشا قاتىسا الادى:
9 - 10 جاس ارالىعى
11 – 13 جاس ارالىعى
14 – 16 جاس ارالىعىندا
جۇمىستى قابىلداۋ بۇگىنگى كۇننەن باستاپ 20 قىركۇيەككە دەيىن جالعاسادى.

سايىسقا قاتىسۋ تەگىن، ياعني اقىسىز وتكىزىلەدى. ۇزدىك جۇمىستار «ديپلوممەن» ماراپاتتالادى، قالعان قاتىسۋشىلار «قاتىسۋشى سەرتيفيكاتىن» الادى.