P.Diddy لاقاپ اتىمەن تانىمال شون كومبس نيۋ-دجەرسي شتاتىنداعى فەدەرالدىق تۇرمەدە جازاسىن وتەپ جاتىر. ول اي سايىن مىڭداعان دوللار جۇمساپ، ەرەكشە قىزمەتتەر مەن تىيىم سالىنعان زاتتاردى پايدالانىپ جۇرگەنى ايتىلىپ وتىر، دەپ حابارلايدى infohub.kz سايتى.
NUR.KZء-تىڭ NBC News-كە سىلتەمە جاساپ حابارلاۋىنشا، مۋزىكانتتىڭ «ءساندى ءومىرى» تۋرالى ونىڭ بلوگىنداعى ءتورت تۇتقىن اڭگىمەلەپ بەرگەن. ولاردىڭ ايتۋىنشا، كومبسكە تاماق دايىنداپ، بولمەسىن جيناپ، كيىمدەرىن جۋىپ، ماسساج جاساپ بەرەدى.
«مۇنى تۇرمەدە ادەتتە كورە بەرمەيسىڭ. بۇل — باي ادامنىڭ ءومىرى»، — دەپ كەلتىرەدى NBC News اقپارات كوزدەرىنىڭ ءبىرىنىڭ ءسوزىن.
سونىمەن قاتار تەلەارنا سۇحباتتاستارىنىڭ دەرەگىنشە، كومبس تىيىم سالىنعان تەلەفوندى پايدالانىپ جۇرگەن بولۋى مۇمكىن. تۇتقىنداردىڭ ءبىرى مۋزىكانتپەن بىرگە Hennessy كونياگىن ىشكەنىن دە ايتقان.
اقپارات كوزدەرىنىڭ مالىمەتىنشە، P.Diddy اي سايىن باسقا تۇتقىنداردىڭ قىزمەتىنە مىڭداعان دوللار جۇمسايدى: ولار وعان ارنايى تاعامدار دايىنداپ، بولمەسىن جيناپ، زاتتارىن ساقتايدى.
بۇعان دەيىن سوتتالعان رەپەر شون كومبستىڭ باسقا تۇتقىنمەن توبەلەسكەننەن كەيىن جالعىز كامەراعا اۋىستىرىلعانى حابارلانعان. ەسكە سالايىق، بىلتىر كومبس بۇرىنعى قىز دوسى مەن تاعى ءبىر ايەلدى شتاتتار اراسىندا جەزوكشەلىكپەن اينالىسۋ ءۇشىن تاسىمالداعانى بويىنشا فەدەرالدىق ايىپتاۋلار بويىنشا كىنالى دەپ تانىلعان. الايدا سوت ونى قىلمىستىق ءسوز بايلاسۋ مەن جىنىستىق قاناۋ ماقساتىندا ادام ساۋداسىنا قاتىستى نەعۇرلىم اۋىر ايىپتاۋلار بويىنشا اقتاعان.
سوت مۋزىكانتتى 50 ايعا باس بوستاندىعىنان ايىردى. قازىرگى تاڭدا ول نيۋ-دجەرسي شتاتىنداعى فورت-ديكس فەدەرالدىق تۇزەۋ مەكەمەسىندە جازاسىن وتەپ، شىعارىلعان ۇكىمگە شاعىمدانۋعا تىرىسىپ ءجۇر.