پاكىستاننىڭ دەرا-يسمايل-حان قالاسىندا جول بويىنداعى پوليسيا باقىلاۋ-وتكىزۋ بەكەتىنىڭ جانىندا جارىلىس بولدى. جەرگىلىكتى پوليسيانىڭ مالىمەتىنشە، كەمىندە 12 ادام قازا تاۋىپ، تاعى 30 ادام جاراقات الدى. بولعان وقيعا ىقتيمال تەراكت رەتىندە قاراستىرىلۋدا، دەپ حابارلايدى infohub.kz سايتى.
پوليسيا باستىعى سافدار بالوچتىڭ ايتۋىنشا، قازا تاپقاندار مەن زارداپ شەككەندەردىڭ كوبىسى قاۋىپسىزدىك كۇشتەرىنىڭ قىزمەتكەرلەرى: وفيسەرلەر، كەدەن جانە ورمان شارۋاشىلىعى باسقارماسىنىڭ قىزمەتكەرلەرى. قازا تاپقانداردىڭ ەكەۋى — قاراپايىم جۇرگىنشىلەر.
الدىن الا بولجام بويىنشا، باقىلاۋ-وتكىزۋ بەكەتىنە جارىلعىش زات تيەلگەن كولىك سوعىلعان. كۋاگەرلەر جارىلىس الدىندا اتىس دىبىستارى ەستىلگەنىن ايتادى.
ازىرگە ەشبىر توپ ىقتيمال تەراكت ءۇشىن جاۋاپكەرشىلىكتى ءوز موينىنا العان جوق، الايدا كۇدىك تتپ (تەحريك-ي-تاليبان پاكىستان) اببرەۆياتۋراسىمەن بەلگىلى پاكىستاندىق تاليبتەرگە ءتۇستى.