پاكىستاندا الاپات وقيعا بولدى: سۆات وكرۋگىندەگى پوليسيا بولىمشەسىنىڭ جانىندا بولعان قاتتى جارىلىستان كەمىندە 14 ادام، ونىڭ ىشىندە ءتارتىپ ساقشىلارى قازا تاپتى، تاعى 18 ادام جارالاندى، دەپ حابارلايدى infohub.kz سايتى.
وقيعا حايبەر-پاحتۋنحۆا پروۆينسياسىنداعى سۆات وكرۋگىندەگى كابال پوليسيا بولىمشەسىنىڭ قاقپاسىندا بولدى. پوليسيا مالىمەتىنشە، جارىلىستى جانكەشتى تەرروريست جاساعان. شابۋىل كەزىندە جاقىن ماڭداعى كابال-چوۋك الاڭىندا بەيبىت ميتينگ ءوتىپ جاتقان: جۇزدەگەن جەرگىلىكتى تۇرعىن سۆات اڭعارىنداعى تەرروريزمنىڭ سوڭعى ۋشىعۋىنا نارازىلىق ءبىلدىرۋ ءۇشىن جينالعان ەدى.
Dawn باسىلىمى پوليسيانىڭ مالىمدەمەسىنە سىلتەمە جاساپ، قازا تاپقاندار اراسىندا قۇقىق قورعاۋ ورگاندارىنىڭ قىزمەتكەرلەرى بار ەكەنىن حابارلايدى. جارالانعانداردىڭ كەيبىرى اۋىر جاعدايدا بولعاندىقتان، قۇرباندار سانى ارتۋى مۇمكىن.
الەۋمەتتىك جەلىلەردە وقيعا ورنىنان تۇسىرىلگەن كادرلار تارالۋدا، وندا قيراعان جەرلەر مەن قۇتقارۋشىلاردىڭ كەلگەنى كورىنەدى. تەراكتىنىڭ جاۋاپكەرشىلىگىن ازىرگە ەشكىم ءوز موينىنا العان جوق.