سولتۇستىك كيپردىڭ تۇرىك باقىلاۋىنداعى جاعالاۋىندا 270-كە جۋىق جولاۋشىسى مەن ەكيپاجى بار پاروم اۋدارىلىپ، كەم دەگەندە التى ادام قازا تاپتى. ايماق پرەمەر-مينيسترى يۋنال يۋستەلدىڭ مەملەكەتتىك TRT تەلەارناسىنا سەنبى كۇنى مالىمدەۋىنشە، 237 ادام قۇتقارىلىپ، 24 ادام ىزدەستىرىلۋدە.
كاتاماران تيپتەس پاروم كيپردىڭ بولىنگەن سولتۇستىگىندەگى كيرەنيا (گيرنە) پورتىنان تۇركيانىڭ مەرسين پروۆينسياسىنداعى تاشۋدجۋ پورتىنا بەت العان. كيرەنيا اكىمى مۋرات شەنكۋل پارومنىڭ Filo Denizcilik كومپانياسىنا تيەسىلى ەكەنىن جانە ديانا جاعاجايى ماڭىندا سۋعا باتقانىن ايتتى. TRT مالىمەتىنشە، پاروم جاعالاۋدان شامامەن 7،5 شاقىرىم (4 تەڭىز ءميلى) قاشىقتىقتا سۋعا تولا باستاعان.
وقيعا ورنىنان تۇسىرىلگەن ۆيدەوعا قۇتقارۋ كەۋدەشەلەرىن كيگەن ادامداردىڭ اۋدارىلعان كەمەنىڭ اينالاسىنداعى سۋدا قالقىپ جۇرگەنى كورىنەدى. تۇركيانىڭ نيكوسياداعى ەلشىسى ءالي مۇرات باشچەري TRT-گە بەرگەن سۇحباتىندا قۇرباندار بار ەكەنىن، ءبىراق ناقتى سانىن ايتپاعانىن حابارلادى. باشچەري 259 جولاۋشى مەن سەگىز ەكيپاج مۇشەسىنىڭ كوبى قۇتقارىلعانىن، كەيبىرىنىڭ اۋرۋحاناعا جەتكىزىلگەنىن ايتتى. تولىعىراق اقپارات كەيىنىرەك...