ارمەنيا پرەمەر-مينيسترى نيكول پاشينيان ەلدىڭ ۇجىمدىق قاۋىپسىزدىك شارتى ۇيىمىنداعى مۇشەلىگى تۋرالى كەسكىلەسكەن مالىمدەمە جاساپ، ەرەۆان بۇل قۇرىلىمنان ىقتيمال شىعارىلۋدان قورىقپايتىنىن اتاپ ءوتتى. جۋرناليستەردىڭ سۇراقتارىنا جاۋاپ بەرگەن ۇكىمەت باسشىسى ارمەنيادان كۇتىلەتىن ۇمىتتەردى «كيكوستىڭ ءولىمى» اتتى ارميان ەرتەگىسىنىڭ سيۋجەتىنە تەڭەدى، دەپ حابارلايدى infohub.kz سايتى.
پاشينياننىڭ ايتۋىنشا، ەرەۆانعا «ۇيىمنان شىعارىلۋمەن قورقىتۋدىڭ قاجەتى جوق». ساياساتكەر ارمەنيادان اتالعان ەرتەگىدە سيپاتتالعانداي مىنەز-ق ۇلىق كۇتىلەتىنىنە نازار اۋداردى.
«ارمەنيا ءدال وسىنداي پىكىردە بولۋى كەرەك دەگەن كليشەلەردىڭ بار ەكەنى دە قىزىق — نەگىزىنەن كيكوستىڭ ءولىمى لوگيكاسى بويىنشا: (ادام — رەد. ەسك.) قۇدا تۇسۋگە باردى، ونىڭ ۇلى دۇنيەگە كەلدى، ونىڭ اتىن كيكوس دەپ قويدى، (كيگىزدى) پومپونى بار قالپاق، باسىنان شەشتى، ول تاسقا قۇلادى — وي، كيكوس، وي، ق ۇلىنىم. ءبىزدىڭ پىكىرىمىز مىنادا: ەگەر ءبىزدى شىعارعىسى كەلسە — شىعارسىن. ەگەر شىعارعىسى كەلمەسە — شىعارماسىن»، — دەدى پاشينيان.
باسىلىم حابارلاعانداي، «كيكوستىڭ ءولىمى» ەرتەگىسىندە شارۋا ۇلكەن قىزىن بۇلاققا سۋعا جىبەرەدى، ول جەردە ول ۇلكەن اعاشتى كورىپ، ءبىر كۇنى تۇرمىسقا شىعىپ، كيكوس ەسىمدى ۇل تۋىپ، ول ءوسىپ، وسى اعاشقا ءمىنىپ، قۇلاپ، تاسقا سوعىلىپ ولەدى دەپ ەلەستەتەدى. سوڭىندا بۇكىل وتباسى دۇنيەگە كەلمەگەن بالاعا ازا تۇتىپ، سودان كەيىن بۇرىنعى ومىرىنە ورالادى.
سونىمەن قاتار، پرەمەردىڭ ايتۋىنشا، ارمەنيا رەسەيلىك اسكەري بازا تۋرالى ماسەلەنى ەشقاشان كوتەرمەگەن. الايدا ول بازانىڭ ەل قاۋىپسىزدىگى ءۇشىن ومىرلىك ماڭىزى جوق ەكەنىن اتاپ ءوتتى.
«بىزگە بۇل اسكەري بازا قاجەت ەمەس. رەسەي — ءبىزدىڭ دوستىق ەلىمىز. ەگەر ولار ونى الىپ كەتكىسى كەلسە، الىپ كەتسىن، ەرتەڭ الىپ كەتسىن. ەگەر ولار قالعىسى كەلسە، بىزگە قاجەت ەمەس بازانى ارمەنيا رەسپۋبليكاسىندا ساقتاۋ شارتتارىن تالقىلاۋعا دايىنبىز»، — دەدى ول.
پاشينيان بۇل ۇستانىمدى «2022 جىلعى قىركۇيەك وقيعالارىمەن» ءتۇسىندىردى. ول سونداي-اق بازا تاقىرىبى سوڭعى ۋاقىتقا دەيىن ارميان دا، رەسەيلىك تە رەسمي تۇلعالار تاراپىنان جاريا تۇردە تالقىلانباعانىن اتاپ ءوتتى.
بۇعان دەيىن ارمەنيا پرەمەر-مينيسترى جاقىن ارادا ەل ەۋروپالىق وداققا مۇشەلىككە ءوتىنىم بەرۋ پروسەسىمەن اينالىساتىنىن مالىمدەگەن. سونداي-اق ارميان ۇكىمەتىنىڭ باسشىسى ەلدىڭ ودكب-دان شىعارىلۋىن جوققا شىعارماي، بۇل جاعدايدا ەرەۆانعا ۇيىمنان شىعۋ تۋرالى ماسەلەنى ءوز بەتىنشە شەشۋگە تۋرا كەلمەيتىنىن اتاپ وتكەن.