پاۆلوداردا 62 جاستاعى ەر ادام 2012 جىلى 72 جاستاعى زەينەتكەردى ولتىرگەنى ءۇشىن سوتتالدى. قىلمىس 14 جىلدان كەيىن اشىلدى، دەپ حابارلايدى infohub.kz.
ءىس ماتەريالدارى بويىنشا، 2012 جىلى ەر ادام «يابلونكا» باۋ-باقشا سەرىكتەستىگىنىڭ اۋماعىندا بولىپ، قارت ايەلمەن تانىسىپ، ونىڭ ۇيىنە كىرۋگە رۇقسات سۇراعان. باۋ-باقشا ۇيىندە ولار بىرگە الكوگول ىشكەن.
وسىدان كەيىن كۇدىكتى زەينەتكەردى ەكى رەت زورلاپ، ءىزىن جاسىرۋ ءۇشىن ونى تۇنشىقتىرىپ ولتىرگەن. ايەلدىڭ دەنەسى بىرنەشە كۇننەن كەيىن عانا تابىلعان.
پاۆلودارلىقتىڭ قىلمىسقا قاتىسى 14 جىلدان كەيىن عانا انىقتالدى. ەر ادام كىسى ولتىرۋدەگى كىناسىن جوققا شىعارمادى.
زورلاۋ ءۇشىن ول قىلمىستىق جاۋاپكەرشىلىكتەن مەرزىمى وتكەندىكتەن بوساتىلدى. الايدا كىسى ولتىرگەنى ءۇشىن جازاسىن وتەدى.
«قىلمىستىق قۇقىق بۇزۋشىلىقتاردىڭ جيىنتىعى بويىنشا وسى ۇكىممەن جانە پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2023 جىلعى 19 قىركۇيەكتەگى ۇكىمىمەن تاعايىندالعان جازالاردى ءىشىنارا قوسۋ ارقىلى تۇپكىلىكتى 20 جىل مەرزىمگە باس بوستاندىعىنان ايىرۋ جازاسىن تاعايىنداۋ»، — دەپ ۇكىمدى سۋديا جاننا نىعىباەۆا جاريالادى.
سوتتالعان ءقازىردىڭ وزىندە كولونيادا. 2023 جىلى ول «سترويتەل» باۋ-باقشا سەرىكتەستىگىندە 59 جاستاعى تانىسىن ولتىرگەنى ءۇشىن كىنالى دەپ تانىلدى. تەرگەۋ دەرەكتەرى بويىنشا، جانجال كەزىندە ەر ادام ايەلدىڭ موينىنا كوفتانى وراپ، ونى تۇنشىقتىرىپ ولتىرگەن.
ءقازىر سوتتالعان 62 جاستا.