پاۆلوداردا پاتەر ۇرلىعىنىڭ سەرياسىنا كۇدىكتى 36 جاستاعى ەر ادام ۇستالدى. بۇرىن بىرنەشە رەت سوتتالعان استانالىق قىلمىسكەر ءبىر سحەما بويىنشا ارەكەت ەتكەن: كىلتتەردى ىرىكتەپ، ۇيگە كىرىپ، زەرگەرلىك بۇيىمداردى، اقشا مەن قۇندى زاتتاردى ۇرلاپ، كەيىن لومباردتارعا وتكىزىپ وتىرعان. تۇسكەن قاراجاتتى جەكە قاجەتتىلىكتەرىنە جۇمساعان، دەپ حابارلايدى infohub.kz.
پوليسيا مالىمەتىنشە، 2026 جىلدىڭ شىلدەسىندە كۇدىكتى ءبىر پاتەردەن شامامەن 6 ميلليون تەڭگە سوماسىندا ۇرلىق جاساعان. بارلىعى ول ءۇش ۇقساس قىلمىسقا كۇدىكتەلەدى، ال جالپى شىعىن ميلليونداعان تەڭگەنى قۇرايدى. جەكە ءتىنتۋ كەزىندە ەر ادامنان اقشانىڭ ءبىر بولىگى الىندى، ال سەمەي قالاسىنداعى لومباردتاردىڭ بىرىنەن ۇرلانعان التىن بۇيىمدار تابىلىپ، تاركىلەندى.
«36 جاستاعى ەر ادام — بۇرىن بىرنەشە رەت سوتتالعان استانالىق تۇرعىن. جەكە ءتىنتۋ كەزىندە اقشا قاراجاتىنىڭ ءبىر بولىگى تابىلىپ، الىنسا، سەمەيدەگى لومباردتان التىن بۇيىمدار تابىلىپ، الىندى. ۇرلىق فاكتىسى بويىنشا قىلمىستىق ءىس قوزعالدى. كۇدىكتى ۋاقىتشا ۇستاۋ يزولياتورىنا جابىلدى. پوليسيا ونىڭ وڭىردەگى باسقا دا وسىعان ۇقساس قىلمىستارعا قاتىسى بار-جوعىن تەكسەرۋدە»، — دەدى پاۆلودار وبلىسى پوليسيا دەپارتامەنتى كريمينالدىق پوليسيا باسقارماسى باستىعىنىڭ مىندەتىن اتقارۋشى ولجاس تەمىروۆ.