پاۆلوداردا 15 شىلدەدە ورەسكەل وقيعا بولدى: ەگدە ەر ادام مەن ايەل بانك بولىمشەسىنە پەتاردا سالىنعان تورت اكەلىپ، ول جارىلدى. زەينەتكەرلەر جەڭىل جاراقات الدى. الدىن الا مالىمەتتەر بويىنشا، ولار تەلەفون الاياقتارىنىڭ نۇسقاۋىمەن ارەكەت ەتكەن، دەپ حابارلايدى infohub.kz سايتى.
پاۆلودار وبلىسى پوليسيا دەپارتامەنتىنىڭ مالىمەتىنشە، زەينەتكەرلەر بۇعان دەيىن الاياقتاردىڭ قۇربانى بولىپ، جالعان ينۆەستيسيالىق جوبالارعا اقشا سالعان. وسى فاكتى بويىنشا تەرگەۋ جۇرگىزىلۋدە، دروپپەر ءرولىن اتقارعان ادامدار انىقتالدى. سوت ارقىلى ۇرلانعان قاراجاتتى قايتارۋ شارالارى قابىلدانۋدا.
الايدا الاياقتار مۇنىمەن توقتامادى. ولار زەينەتكەرلەرگە قايتا حابارلاسىپ، اقشالارىن قايتارا الاتىندارىن ايتتى. «پسيحولوگيالىق اسەر ەتۋ ادىستەرىن قولدانىپ، ولار زەينەتكەرلەردى تورت پەن پەتاردا ساتىپ الۋعا كوندىردى. الاياقتاردىڭ نۇسقاۋىمەن زەينەتكەرلەر تورتقا سالىنعان پەتاردانى تۇتاتتى»، — دەپ حابارلادى پوليسيادا.
قىلمىستىق ىستەر قوزعالىپ، كۇدىكتىلەر ىزدەستىرىلۋدە. پوليسيا ەسكەرتەدى: ەگەر ادام الاياقتاردان زارداپ شەككەن بولسا، ونى قايتادان الداۋعا تىرىسۋى مۇمكىن. قىلمىسكەرلەر اقشانى قايتارۋعا، وتەماقى نەمەسە ديۆيدەند تولەۋگە ۋادە بەرەدى، ۇلكەن ۇتىس تۋرالى حابارلايدى. بۇل — الاياقتىق سحەمانىڭ جالعاسى. اسىرەسە ەگدە جاستاعى ادامدار پسيحولوگيالىق قىسىمعا ءجيى ۇشىرايدى.
ازاماتتاردى ۇلكەن تۋىستارىنا ەسكەرتۋگە شاقىرادى: بانك، مەملەكەتتىك ورگاندار، قۇقىق قورعاۋ ورگاندارى جانە ينۆەستيسيالىق كومپانيالاردىڭ قىزمەتكەرلەرى ەشقاشان ءقاۋىپتى ارەكەتتەر جاساۋدى، اقشا اۋدارۋدى نەمەسە بەيتانىس ادامداردىڭ تەلەفونداعى نۇسقاۋلارىن ورىنداۋدى تالاپ ەتپەيدى.