كتك تەلەارناسىنىڭ سايتى حابارلاعانداي، پاۆلودار وبلىسىنا قاتتى داۋىل سوعىپ، ءتورت اۋىلدى جارىقسىز قالدىردى. ستيحيا شاتىرلاردى ج ۇلىپ، اعاشتاردى قۇلاتتى جانە ەلەكتر جەلىلەرىن ءۇزىپ تاستادى.
ۋسپەنسك اۋىلدىق وكرۋگىندە داۋىل كۇندىز اسپان اشىق تۇرعاندا سوقتى. جەرگىلىكتى تۇرعىندار ۇلكەن قۇيىندى كورىپ، ونى تورنادومەن سالىستىردى.
قوڭىر وزەك اۋىلىندا بىرنەشە مينۋت ىشىندە 12 ءۇيدىڭ جانە جەرگىلىكتى كلۋبتىڭ شاتىرى ۇشىپ كەتتى. ءتورت اۋىل تولىعىمەن جارىقسىز قالدى. وقيعا ورنىنا اۆاريالىق بريگادالار شىعىپ، ەلەكتر جەلىلەرىن جەدەل تۇردە قالپىنا كەلتىردى.
قيراعان جەرلەردىڭ ناقتى كولەمى ءالى ەسەپتەلىپ جاتىر.