پاۆلوداردا ەر ادام تروتۋارمەن كەلە جاتىپ، كەنەتتەن جەر استىنا قۇلاپ، قايناعان سۋعا ءتۇسىپ كەتتى. زارداپ شەككەن ادام اۋىر كۇيىك الدى، دەپ حابارلايدى infohub.kz سايتى.
وقيعا تۋرالى الەۋمەتتىك جەلىدە ەر ادامنىڭ اپكەسى ايتىپ بەردى. ونىڭ ايتۋىنشا، ونىڭ ءىنىسى پاۆلودار ورتالىعىنداعى دۇيسەنوۆ كوشەسى، 10 مەكەنجايى بويىنشا تروتۋارمەن 4 جاسار بالامەن كەلە جاتقان. "ءبىر ساتتە اياق استىنداعى جەر قۇلاپ، ول قايناعان سۋعا ءتۇستى. اشىق ليۋك ەمەس. قۇرىلىس الاڭى ەمەس. اپاتتى ايماق ەمەس. كۇن سايىن ادامدار جۇرەتىن قاراپايىم جول. ناتيجەسىندە - ەكىنشى دارەجەلى كۇيىك"، - دەدى پاۆلودارلىق ايەل.
ول ەگەر بالا قۇلاعاندا، ونى قۇتقارا الماس ەدى دەپ اتاپ ءوتتى. ايەل تەكسەرۋ جۇرگىزىپ، كىنالىلەردى جاۋاپكەرشىلىككە تارتۋدى سۇرادى.
"پاۆلودار جىلۋ جەلىلەرى" كومپانياسىندا بۇل ايماقتا جىلۋ جەلىلەرىندە زاقىم كەلگەنىن حابارلادى. "ماماندار وقيعا ورنىنا شىقتى. ءتيىستى شارالار قابىلدانادى"، - دەپ ءتۇسىندىردى جشس-دە.
وبلىستىق دەنساۋلىق ساقتاۋ باسقارماسىندا 1991 جىلى تۋعان ەر ادام پاۆلودار قالالىق №1 اۋرۋحاناسىنىڭ كۇيىك بولىمشەسىنە ەكى اياعىنىڭ جىلۋ كۇيىگىمەن (2-3 دارەجەلى، زاقىمدانۋ اۋدانى 7%) جات قىزىلعانىن حابارلادى. قازىرگى ۋاقىتتا پاسيەنتتىڭ جاعدايى ورتاشا اۋىرلىق دارەجەسىندە باعالانۋدا.