پاۆلودار وبلىسىندا بالىقشى ارحەولوگتارعا بىرەگەي جاڭالىق اشۋعا كومەكتەستى: ول شامامەن 4 مىڭ جىلدىق جەرلەۋ ورنىن تاپتى، دەپ حابارلايدى infohub.kz سايتى.
كتك تەلەارناسىنىڭ مالىمەتىنشە، پاۆلودار قالاسىنىڭ ماڭىنداعى قۇم كارەرىندە جەرگىلىكتى بالىقشى ادام سۇيەگىن تاۋىپ، ارحەولوگتاردى شاقىرعان. عالىمدار بۇل ەرتە قولا داۋىرىنە ءتان جەرلەۋ ەكەنىن انىقتادى. ەجەلگى اداممەن بىرگە ەڭبەك قۇرالدارى: كۆارسيت كەتپەن، تاس ۇساتقىش جانە جىلتىراتىلعان بالتا — كەندى ۇساقتاۋ جانە مەتالدى وڭدەۋ ءۇشىن قولدانىلعان. بۇل ارتەفاكتىلەر 4 مىڭ جىل بۇرىن جەرگىلىكتى تۇرعىنداردىڭ بەلسەندى ءومىر سۇرگەنىن جانە العاشقى مەتاللۋرگتەر بولعانىن كورسەتەدى.
ورنىنان وت ىزدەرى دە تابىلدى، ولار العاشقى بالقىتۋ پەشتەرى بولۋى مۇمكىن. ادامدار مىڭداعان جىل بۇرىن قالاي ءومىر سۇرگەنىن ءقازىر زاماناۋي تەحنولوگيالار ارقىلى زەرتتەۋدە. ا. مارعۇلان اتىنداعى پپۋ جانىنداعى ارحەولوگيالىق زەرتتەۋلەر ينستيتۋتىنىڭ عىلىمي قىزمەتكەرى ەلەنا تۋشەۆا: «ول جەردە كەراميكا، كومىر كەزدەسەدى، ياعني بۇل اۋماق تاس داۋىرىنەن، كەيىنگى تاس داۋىرىنەن باستاپ ادامدار مەكەندەگەن. بىزدەگى ميكروسكوپتاردىڭ كومەگىمەن ولاردىڭ مەتالدى وڭدەگەن-وڭدەمەگەنىن، قانداي مەتالدى، قانداي وپەراسيالاردا قولدانعانىن ناقتى ايتا الامىز. ءبىز توپىراق الدىق، كليماتتى قالپىنا كەلتىرۋ ءۇشىن زەرتتەۋ جۇرگىزەمىز»، — دەدى.