پاۆلودار وبلىسىندا سوت بانك شوتىنا قولجەتىمدىلىكتى زاڭسىز بەرگەنى ءۇشىن ايەلگە ايىپپۇل سالدى. ول اقشا تاپقىسى كەلگەن، ءبىراق قىلمىستىق ىسكە تارتىلدى، دەپ حابارلايدى infohub.kz.
پاۆلودار وبلىسى سوتتارىنىڭ Telegram-ارناسىندا حابارلانعانداي، قىلمىستىق ءىس ششەرباكتى اۋدانىنىڭ 1997 جىلى تۋعان تۇرعىنىنا قاتىستى قارالدى.
2025 جىلدىڭ قازان ايىندا ايەل ينتەرنەتتەن تابىس تابۋ مۇمكىندىگى تۋرالى حابارلاندىرۋ تاپتى. بەلگىسىز ادامداردىڭ نۇسقاۋلارىن ورىنداپ، ول بانك شوتىن اشىپ، وعان قولجەتىمدىلىكتى بەردى جانە اقشا قوزعالىسىن باقىلاۋدى توقتاتتى. كەيىن وسى شوت ارقىلى جالپى سوماسى 1 385 000 تەڭگەگە اقشا اۋدارىمدارى جۇزەگە اسىرىلدى. شوتقا قولجەتىمدىلىك بەرگەنى ءۇشىن ايەل اقشالاي سىياقى الدى.
سوت وتىرىسىندا ايىپتالۋشى كىناسىن تولىق مويىنداپ، ىستەگەنىنە وكىندى. سوت ۇكىم شىعارۋ كەزىندە جەڭىلدەتەتىن ءمان-جايلاردى — كىنانى مويىنداۋدى، وكىنۋدى جانە كامەلەتكە تولماعان بالاسىنىڭ بولۋىن ەسكەردى.
ايەل قازاقستان رەسپۋبليكاسى قىلمىستىق كودەكسىنىڭ 232-1-بابىنىڭ 1-بولىگى بويىنشا كىنالى دەپ تانىلدى. وعان 20 اەك مولشەرىندە — 86 500 تەڭگە ايىپپۇل سالىندى. ۇكىم زاڭدى كۇشىنە ەندى.