پاۆلودار وبلىسىنىڭ ۋسپەن اۋدانىندا قاتتى جەلدەن ينفراقۇرىلىم نىساندارى مەن تۇرعىن ۇيلەر زاقىمداندى، دەپ حابارلايدى infohub.kz.
قوڭىروزەك، چيستوپول، ۆوزنەسەنكا جانە ناداروۆكا اۋىلدارىندا (قوڭىروزەك اۋىلدىق وكرۋگى) كەرنەۋى 10 كۆ ەلەكتر جەلىسىنىڭ جەتى تىرەگى ب ۇلىنگەن. اۋداندىق ەلەكتر جەلىلەرى ماماندارى قالپىنا كەلتىرۋ جۇمىستارىن جۇرگىزۋدە. اۋداندىق اكىمدىكتىڭ حابارلاۋىنشا، وعان 10 ادام مەن ءۇش تەحنيكا جۇمىلدىرىلعان.
قوڭىروزەك اۋىلىندا جەل 12 جەكە تۇرعىن ءۇيدىڭ جانە مادەنيەت ءۇيىنىڭ شاتىرىن ج ۇلىپ كەتتى. زاقىم كولەمى ناقتىلانۋدا.
الدىن الا مالىمەتتەرگە سايكەس، ءولىم مەن زارداپ شەككەندەر جوق. وقيعا ورنىندا جەرگىلىكتى اتقارۋشى ورگاندار مەن تجد قىزمەتكەرلەرى – بارلىعى 27 ادام مەن بەس تەحنيكا جۇمىس ىستەپ جاتىر.
قوڭىروزەك اۋىلىندا شامامەن 650 ادام تۇرادى، 190 ءۇي بار. جاعداي باقىلاۋدا. ماماندار زارداپتاردى ناقتىلاپ، زاقىمداردى جويۋدى جالعاستىرۋدا.
«قازگيدرومەت» پاۆلودار تۇرعىندارىنا الداعى تاۋلىككە داۋىلدى ەسكەرتۋ جاسادى. 22 شىلدەدە تۇندە جاڭبىر مەن كۇن كۇركىرەۋى كۇتىلەدى. كۇندىز جاۋىن-شاشىن كۇشەيىپ، بۇرشاق پەن ەكپىندى جەل بولۋى مۇمكىن. باتىستان سوعاتىن جەلدىڭ جىلدامدىعى 9–14 م/س، ەكپىنى 15–20 م/س، كەيدە 23–28 م/س جەتەدى.