پاۆلودار وبلىسىندا سوت كولىك قۇرالىن باسقارۋ قۇقىعى جوق 16 جاستاعى ءجاسوسپىرىمنىڭ اناسىن جاۋاپكەرشىلىككە تارتتى. ايەلگە ايىپپۇل سالىندى، دەپ حابارلايدى infohub.kz سايتى.
پاۆلودار وبلىسى سوتتارىنىڭ ءباسپاسوز قىزمەتىنىڭ مالىمەتىنشە، 9 مامىردا كامەلەتكە تولماعان ل. كولىك قۇرالىن باسقارۋ قۇقىعى جوق موتوسيكل ايداعان. كەيىن ول پوليسيا قىزمەتكەرلەرىمەن ۇستالدى.
ءجاسوسپىرىمنىڭ اناسى كامەلەتكە تولماعان بالانى تاربيەلەۋ جانە وقىتۋ جونىندەگى وزىنە جۇكتەلگەن اتا-انالىق مىندەتتەردى تيىسىنشە ورىندامادى دەپ ايىپتالدى. ايەل كىناسىن مويىنداپ، وقيعادان كەيىن ۇلىمەن پروفيلاكتيكالىق اڭگىمە جۇرگىزگەنىن ءتۇسىندىردى.
سونداي-اق ول جۇمىس ىستەيتىنىن جانە بالانى جالعىز تاربيەلەپ وتىرعانىن ايتتى. سوت ل.-نىڭ كىناسىن مويىنداعانىن جانە ونىڭ اسىراۋىندا كامەلەتكە تولماعان بالا بار ەكەنىن ەسكەردى.
ايەلگە 10 تاۋلىككە دەيىنگى اكىمشىلىك قاماۋ تۇرىندەگى جازا نە 20 ايلىق ەسەپتىك كورسەتكىشكە دەيىنگى (86 500 تەڭگە) ايىپپۇل سالىنۋى مۇمكىن ەدى. سونىمەن قاتار سوت ايىپپۇل مولشەرىن 30%-عا قىسقارتىپ، تۇپكىلىكتى ءوندىرىپ الۋ سوماسىن 60 550 تەڭگە ەتىپ بەلگىلەدى.