پاۆلودار وبلىسىندا پوليسيا جەرگىلىكتى ءجشس-تىڭ التى قىزمەتكەرى قازا تاپقان وقيعاعا بايلانىستى ءۇش كۇدىكتىنى ۇستادى، دەپ حابارلايدى infohub.kz.
ەسكە سالايىق، 20 شىلدەدە پاۆلودار وبلىسى اقتوعاي اۋدانىنىڭ جولامان اۋىلىندا كارىز قۇدىعىنداعى ەلەكتر سورعىسىنداعى اقاۋلاردى جويۋ كەزىندە التى ادام قازا تاپتى. تاعى ءبىر ادام اۋرۋحاناعا جات قىزىلدى.
وبلىستىق پوليسيا دەپارتامەنتى سول كەزدە قىلمىستىق ءىس قوزعالعانىن حابارلاعان، ءبىراق مالىمەتتەر جاريالانبادى.
11 تامىزدا پاۆلودار وبلىسى پد ءباسپاسوز قىزمەتى بۇل فاكتى بويىنشا تەرگەۋ باسقارماسى سوتقا دەيىنگى تەرگەۋ جۇرگىزىپ جاتقانىن مالىمدەدى.
قىلمىستىق ءىس اياسىندا بارلىق ءمان-جايدى انىقتاۋعا باعىتتالعان كەشەندى تەرگەۋ شارالارى جۇرگىزىلۋدە. قازىرگى ۋاقىتتا ءۇش كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قازاقستان رەسپۋبليكاسى قىلمىستىق پروسەستىك كودەكسىنىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات جاريالانۋعا جاتپايدى، — دەپ حابارلادى پد.