پاۆلودار وبلىسىنىڭ مامانداندىرىلعان اۋدانارالىق اكىمشىلىك سوتى سالىق تەكسەرۋىنىڭ ناتيجەسى بويىنشا شىعارىلعان حابارلامانى راسىمدىك بۇزۋشىلىقتاردىڭ كوپتىگىنە بايلانىستى جويدى، دەپ حابارلايدى infohub.kz سايتى.
جوسپاردان تىس تاقىرىپتىق سالىق تەكسەرۋىنە تالاپكەردىڭ جەكە كاسىپكەرمەن ەسەپ ايىرىسۋلارى نەگىز بولدى. وسى كاسىپكەرگە قاتىستى سالىق ورگانى بۇعان دەيىن ەلەكتروندىق شوت-فاكتۋرالاردى جازۋدى شەكتەۋدى قولدانعان بولاتىن.
سوت وتىرىسى بارىسىندا تەكسەرۋ جۇرگىزۋ ءتارتىبىنىڭ كوپتەگەن بۇزىلعانى انىقتالدى. اتاپ ايتقاندا، سوت اكىمشىلىك ءراسىم مەن تىڭداۋ ءراسىمىنىڭ ءتيىستى ەمەس مەملەكەتتىك ورگانمەن جۇرگىزىلگەنىن، حاتتامادا مىندەتتى قولتاڭبالاردىڭ بولماعانىن، ال سالىق تەكسەرۋىنىڭ ءپانىنىڭ جەتكىلىكتى تۇردە ناقتى انىقتالماعانىن انىقتادى.
سونىمەن قاتار، سوت سالىقتىق زەرتتەۋدى جۇرگىزۋ جانە رەسىمدەۋ ءتارتىبىنىڭ بۇزىلعانىن، سالىقتىق زەرتتەۋ اكتىسىنىڭ دانالارى اراسىندا قايشىلىقتار بار ەكەنىن، حابارلامادا ءارتۇرلى سالىق ەسەپتەۋ سومالارى كورسەتىلگەنىن، سونداي-اق سالىق كودەكسىندە بەلگىلەنگەن تەكسەرۋ جۇرگىزۋ مەرزىمىنىڭ ساقتالماعانىن انىقتادى.
سوت جىبەرىلگەن اكىمشىلىك ءراسىم بۇزۋشىلىقتارى قابىلدانعان اكىمشىلىك اكتىنىڭ زاڭدىلىعىنا اسەر ەتۋى مۇمكىن دەگەن قورىتىندىعا كەلدى. وسىعان بايلانىستى سالىق تەكسەرۋىنىڭ ناتيجەلەرى تۋرالى حابارلاما زاڭسىز دەپ تانىلىپ، جويىلدى.
سوت شەشىمىمەن اكىمشىلىك تالاپ قاناعاتتاندىرىلدى. مەملەكەتتىك كىرىستەردىڭ اۋماقتىق ورگانىنان تالاپكەردىڭ پايداسىنا مەملەكەتتىك باج سالىعىن تولەۋ بويىنشا سوت شىعىستارى ءوندىرىلدى. سوت اكتىسى زاڭدى كۇشىنە ەندى.