پاۆلودار وبلىسى اققۋلى اۋداندىق سوتى ەر ادامدى مەديسينا قىزمەتكەرلەرىن قورلاعانى ءۇشىن ەكى تاۋلىككە اكىمشىلىك قاماققا الدى، سونداي-اق وعان ءۇش ايلىق مىنەز-ق ۇلىق شەكتەۋلەرىن بەلگىلەدى، دەپ حابارلايدى infohub.kz.
سوت انىقتاعانداي، 2026 جىلعى 14 شىلدەدە يامىشەۆو اۋىلىنىڭ تۇرعىنى ماس كۇيىندە شاقىرتۋ بويىنشا كەلگەن جەدەل جاردەم بريگاداسىن بىلاپىت سوزبەن قورلاعان. ونىڭ ارەكەتتەرى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 80-1-بابىنىڭ 2-بولىگىمەن سارالانعان.
سوت وتىرىسىندا ەر ادام كىناسىن تولىق مويىنداپ، وكىنگەن. سوت كىنانى مويىنداۋ مەن وكىنۋدى جەڭىلدەتەتىن ءمان-جايلار رەتىندە ەسكەردى؛ اۋىرلاتاتىن ءمان-جايلار انىقتالمادى. سوت قاۋلىسىمەن قۇقىق بۇزۋشى كىنالى دەپ تانىلىپ، وعان ەكى تاۋلىك مەرزىمگە اكىمشىلىك قاماق جازاسى تاعايىندالدى.
سونىمەن قاتار، سوت ەر ادامعا ءۇش ايعا مىنەز-ق ۇلىققا ارنايى تالاپتار بەلگىلەدى: الكوگولدى ىشىمدىكتەردى، ەسىرتكى زاتتار مەن پسيحوتروپتىق پرەپاراتتاردى تۇتىنۋعا تىيىم سالىندى. سونداي-اق ول اپتا سايىن ۋچاسكەلىك پوليسيا ينسپەكتورىنا پروفيلاكتيكالىق اڭگىمەگە كەلىپ تۇرۋعا مىندەتتى. سوت قاۋلىسى ءالى زاڭدى كۇشىنە ەنگەن جوق.