پاۆلوداردا پوليسەيلەر كەزەكتى ءبىر وعاش ۆيدەونىڭ اۆتورىن تاپتى. جاياۋ جۇرگىنشىلەر وتكەلىندە ءىش كيىم، بەلدەمشە، تۋفلي، ورامال جانە كۇرتەشە كيىپ تۇسىرىلگەن بەينە... دەپ حابارلايدى infohub.kz سايتى.
وبلىستىق پوليسيا دەپارتامەنتىنىڭ حابارلاۋىنشا، بەينەجازبا الەۋمەتتىك جەلىلەردى مونيتورينگتەۋ كەزىندە قىزمەتكەرلەردىڭ نازارىنا ىلىككەن. ۆيدەودا قىز جازعى كيىم ۇلگىلەرىن جولدىڭ جۇرگىن بولىگىنە جايىپ، تانىمال ترەندتى تۇسىرۋگە تىرىسقان.
پوليسەيلەر جازبانىڭ 16 شىلدە كۇنى پاۆلودار اۋەجايى ماڭىندا تۇسىرىلگەنىن جانە كەيىن Instagram پاراقشاسىندا جاريالانعانىن انىقتادى.
«قۇقىق بۇزۋشىنىڭ جەكە باسى انىقتالدى. قىز جاياۋ جۇرگىنشىلەر مەن باسقا دا جول قوزعالىسىنا قاتىسۋشىلاردىڭ ءجۇرىس ەرەجەسىن بۇزعانى ءۇشىن جاۋاپكەرشىلىككە تارتىلدى»، — دەپ مالىمدەدى پاۆلودار وبلىسى پوليسيا دەپارتامەنتىندە.
پوليسيا مۇنداي لايك پەن كورىلىم ءۇشىن تۇسىرىلگەن بەينەجازبالار اۆتورلاردىڭ وزىنە دە، باسقا جول قوزعالىسىنا قاتىسۋشىلارعا دا ناقتى ءقاۋىپ ءتوندىرۋى مۇمكىن ەكەنىن اتاپ ءوتتى.
بۇعان دەيىن «كۋرسيۆ» سەمەيدەگى كوپىردە فوتوسەسسيا تۇسىرگەن ايەلگە ايىپپۇل سالىنعانىن جازعان ەدى. ال اتىراۋدا پوليسەيلەر كولىك قوزعالىسى كەزىندە تەرەزەدەن شىعىپ، جولداسىنا سۋسىن قۇيىپ بەرگەن 37 جاستاعى جولاۋشىنى جاۋاپكەرشىلىككە تارتتى.