پاۆلوداردا پوليسيا قىزمەتكەرلەرى الاياقتىق سحەماسىن جولىن كەسىپ، زەينەتكەرگە 2 ميلليون تەڭگەسىن قايتاردى، دەپ حابارلايدى infohub.kz سايتى.
پاۆلودار وبلىستىق پوليسيا دەپارتامەنتىنىڭ مالىمەتىنشە، بەلگىسىز ادامدار وزدەرىن مەملەكەتتىك ورگان قىزمەتكەرى رەتىندە تانىستىرىپ، ايەلگە «بانك شوتىنا شابۋىل جاسالدى» دەپ حابارلاعان. ولار پسيحولوگيالىق اسەر ەتۋ ادىستەرىن قولدانىپ، زەينەتكەردى 2 ملن تەڭگە بەرۋگە كوندىرگەن. قوڭىراۋ شالعاندار زەينەتكەرگە «تەگىن» تاكسيگە وتىرىپ، اقشاسىن الىپ، گەرينگ كوشەسىندەگى ۇيگە بارۋدى تاپسىرعان.
«انىقتالعانداي، تاكسيدى اتالعان مەكەنجايعا بەلگىسىز ەر ادام شاقىرتقان. زەينەتكەرگە اقشانى تاپسىرۋ كەزىندە وعان «شۋبا» دەگەن كودتىق ءسوزدى ايتۋ كەرەكتىگى ايتىلعان. ول بەلگىلەنگەن جەرگە كەلگەندە، قاسىنا ءبىر ايەل كەلىپ، زەينەتكەر وعان 2 ملن تەڭگەنى بەرگەن. ەكەۋىنىڭ دە الاياقتىق قۇربانى بولعانىن تۇسىنگەن زەينەتكەر پوليسياعا حابارلاسقان»، – دەپ مالىمدەدى دەپارتامەنتتەن.
جەدەل ۋاكىلدەر بەكزات ماقاجانوۆ، ابدۋلي الىمبەرگەنوۆ جانە تەرگەۋشى يليا بورودانىڭ كاسىبي ارەكەتتەرىنىڭ ارقاسىندا اقشا تولىق كولەمدە زاڭدى يەسىنە قايتارىلدى.
«الاياقتار سحەمالارىن ۇنەمى جەتىلدىرىپ، ادامدى تەز ءارى ويلانباستان ارەكەت ەتۋگە ماجبۇرلەۋ ءۇشىن پسيحولوگيالىق قىسىم ادىستەرىن قولدانادى. اڭگىمەلەسۋ بارىسىندا ءسىزدى شۇعىل تۇردە اقشا بەرۋگە كوندىرسە، كودتىق سوزدەردى ايتسا، بولىپ جاتقان جايتتى تۋىستارىڭىزعا ايتۋعا تىيىم سالسا، دەرەۋ سويلەسۋدى توقتاتىڭىز. بەيتانىس ادامداردىڭ نۇسقاۋلارىن ورىنداماڭىز جانە بىردەن پوليسياعا حابارلاڭىز»، – دەپ شاقىردى پاۆلوداردىڭ اعا جەدەل ۋاكىلى بەكزات ماقاجانوۆ.