پاۆلوداردا جەر استىنا قۇلاپ، كۇيىك العان ەر ادامعا وتەماقى تولەندى. تولەم سوماسى جاريالانبادى، دەپ حابارلايدى infohub.kz سايتى.
وقيعا جاقىندا بولدى: ەر ادام تروتۋارمەن كەلە جاتىپ، كەنەتتەن جەر استىنا قۇلاپ، قايناعان سۋعا ءتۇسىپ كەتتى. زارداپ شەككەن ادام اۋىر كۇيىك الدى. وبلىستىق دەنساۋلىق ساقتاۋ باسقارماسىنىڭ مالىمەتىنشە، 1991 جىلى تۋعان ەر ادام پاۆلودار قالالىق №1 اۋرۋحاناسىنىڭ كۇيىك بولىمشەسىنە ەكى اياعىنىڭ 2-3 دارەجەلى تەرميالىق كۇيىگىمەن جات قىزىلعان، زاقىمدانۋ الاڭى 7 پايىزدى قۇرادى. ناۋقاستىڭ جاعدايى ورتاشا اۋىرلىق دارەجەسىندە باعالاندى.
كەيىن بارلىق جاۋاپكەرشىلىكتى جەرگىلىكتى جىلۋ جەلىلەرى ءوز موينىنا العانى بەلگىلى بولدى. قايناعان سۋ تولعان شۇڭقىرعا قۇلاپ، اياعىن كۇيدىرىپ العان ەر ادامعا وتەماقى تولەندى. كتك تەلەارناسىنىڭ دەرەگىنشە، سول كۇنى ەر ادام ءتورت جاسار بالامەن سەرۋەندەپ ءجۇرىپ، كەنەتتەن جەر استىنا قۇلاعان. بالا كەرەمەت تۇردە زارداپ شەكپەگەن.
جىلۋ جەلىلەرى باسشىلىعى بولعان وقيعاعا جاۋاپكەرشىلىكتى وزىنەن الماي وتىر — سەبەپ رەتىندە جىلۋ قۇبىرىنىڭ جارىلۋى اتالدى. توتەنشە جاعداي بولعان ۋچاسكە سوڭعى رەت 15 جىل بۇرىن جوندەلگەن. ءقازىر ول جەردى قايتا جاماپ، قۇممەن كومىپ تاستاعان. سيۋجەتتە ايتىلعانداي، زارداپ شەككەن ادامعا وتەماقى تولەنگەن. قانداي سوما ەكەنى ناقتىلانبايدى، ءبىراق كاسىپورىن ديرەكتورىنىڭ ايتۋىنشا، ەر ادامنىڭ ەشقانداي شاعىمى جوق.