ساباقتىڭ ماقساتى: پايدالى قازبالار تۋرالى ماعلۇمات بەرۋ
بىلىمدىلىك: پادالى قازبالاردىڭ قاسيەتتەرى، ءوندىرۋ جولدارى، قولدانىلاتىن سالالارى تۋرالى تۇسىنىك قالىپتاستىرۋ.
دامىتۋشىلىق: وقۋشىلاردىڭ لوگيكالىق قابىلەتىن، شىعارماشىلىق بەلسەندىلىگىن دامىتۋ، دۇنيەتانىمىن كەڭەيتۋ.
تاربيەلىك: تابيعاتتى سۇيۋگە، تابيعات بايلىعىن قورعاۋعا تاربيەلەۋ.
ساباقتىڭ كورنەكىلىگى: قازاقستاننىڭ پايدالى قازبالار كارتاسى، پايدالى قازبالار توپتاماسى، سىزبالار
ساباقتىڭ ءتيپى: ارالاس ساباق
ءپانارالىق بايلانىس: قازاق ءتىلى، ادەبيەت

ساباقتىڭ بارىسى:
ءى. پسيحولوگيالىق دايىندىق
تۋىپ وسكەن دالامىز
ءبىزدىڭ ماڭگى پانامىز.
تۋعان جەرگە قۇرمەتپەن،
قامقورلىقپەن قاراڭىز.

ءىى. وي شاقىرۋ
- پايدالى قازبا دەگەن نە؟ نەگە ولاي اتالادى؟
- پايدالى قازبالار قانداي ەكى توپقا بولىنەدى؟
- بۇگىنگى ساباق تاقىرىبىنا قاراپ نە تۋرالى ايتىلادى دەپ ويلايسىزدار؟
- بالالار، راسىندا دا تاقىرىپقا بايلانىستى پايدالى قازبالار تۇرلەرى تۋرالى ماعلۇمات الادى ەكەنبىز.
پايدالى قازبالار تۇرلەرى:
جانعىش: مۇناي، گاز
كەندى: اليۋميني، ءمارمار، مىس، قورعاسىن
كەنسىز: گرانيت، اكتاس، قۇم، ساز

ءىىى. وقۋلىقپەن جۇمىس: ءماتىندى وقۋ، پايدالى قازبالاردىڭ توبىن كورسەتۋ.
پايدالى قازبالارعا جوسپار بويىنشا سيپاتتاما بەرۋ 3 توپقا ءبولىپ ورىندالادى.
1 توپ – اتاۋى؛
2 توپ – قاسيەتتەرىنە توقتالۋ؛
3 توپ – ماڭىزى، قولدانىلۋى.

IV. شىعارماشىلىق تاپسىرما:
ورىندارى اۋىستىرىلىپ كورسەتىلگەن پايدالى قازبالار مەن ولاردىڭ قاسيەتتەرىن باعىتتىق سىزىقپەن قوسۋ، « ورنىن تابۋ»
مۇناي ------------- جىلتىر، قاتتى، سۋعا باتادى
كومىر -------------- قۇبىرمەن جىبەرىلەدى، ىلەسپە ءتۇرى بار
گرانيت ------------- قاتتى، كەندى
تەمىر -------------- شپات، كۆارس، سليۋدادان تۇرادى.
گاز ------------------ سۇيىق، جانعىش

V. كارتامەن جۇمىس:
- پايدالى قازبالاردىڭ ورنالاسقان جەرىن، شارتتى بەلگىلەر بويىنشا كورسەتۋ. قازاقستاندا پلانەتامىزداعى بار پايدالى قازبالار تۇگەل تابىلاتىندىعىنا توقتالا كەلە ءوز وبلىسىمىزدا گيپس، قۇرىلىس شيكىزاتى، بور، اليۋميني، مۇناي، تەمىر، مىس، حروم، فوسفوريت، نيكەل، مينەرالدىق تۇزدار ت. ب. وندىرىلەتىندىگى جونىندە ماعلۇمات بەرۋ.

VI. وي تولعانىس
- پايدالى قازبالاردىڭ تۇرلەرىنە نەلەر جاتادى؟
- ءوزىمىز تۇراتىن جەردە قانداي پايدالى قازبالار بار؟
VIءى. ۇيگە تاپسىرما بەرۋ
«پايدالى قازبالاردىڭ تۇرلەرى» تاقىرىبىن وقۋ، ءوز سوزىمەن اڭگىمەلەۋ، سۇراقتارعا جاۋاپ بەرۋ.