يسپانيا پرەمەر-مينيسترى پەدرو سانچەس X الەۋمەتتىك جەلىسىندە ەۋروپالىق وداق تۋىنىڭ «جاڭا نۇسقاسىن» جاريالادى: ونداعى 12 التىن جۇلدىزدىڭ قاسىنا كانادانى بىلدىرەتىن قىزىل ۇيەڭكى جاپىراعى ورنالاستىرىلعان. يسپان پرەمەرى وسى ارەكەتىمەن كاناداعا ەو-نىڭ العاشقى اسسوسياسيالانعان مۇشەسى بولۋ ۇسىنىلعانىن مەڭزەدى، دەپ حابارلايدى infohub.kz سايتى.
سانچەس جازباسىنا ەشقانداي ماتىندىك تۇسىنىكتەمە قوسپاعان.
ەسكە سالايىق، ءبىر كۇن بۇرىن ەۋروپالىق كوميسسيا ءتوراعاسى ۋرسۋلا فون دەر ليايەن كاناداعا ەۋرووداقتىڭ العاشقى اسسوسياسيالانعان مۇشەسى بولۋدى ۇسىنعان ەدى.
وسىدان كەيىن اقش پرەزيدەنتى دونالد ترامپ ەو-نىڭ كانادامەن ارىپتەستىگى امەريكا قۇراما شتاتتارىنا ءقاۋىپ توندىرسە، اقش ەۋرووداقپەن ساۋدانى توقتاتۋى مۇمكىن ەكەنىن مالىمدەدى.
تامىز ايىنىڭ سوڭىندا كانادا پرەمەر-مينيسترى مارك كارني اقش-قا قارسى «دوللارعا دوللار» مولشەرىندە قارسى باج سالىعىن ەنگىزەتىنىن ايتقان بولاتىن.
بۇعان جاۋاپ رەتىندە دونالد ترامپ كانادانىڭ ساياساتىن ءساتسىز دەپ اتاپ، ەل باسشىلىعىن، ونىڭ ىشىندە پرەمەر-مينيستر مارك كارني مەن ونتاريو پروۆينسياسىنىڭ پرەمەرى داگ فوردتى قۇزىرەتسىز دەپ باعالادى.