اقش-تىڭ پەنسيلۆانيا شتاتىندا سوڭعى ونجىلدىقتاعى ەڭ اۋقىمدى قىزىلشا ىندەتى تىركەلدى: جۇقتىرعانداردىڭ جالپى سانى 903 ادامعا جەتتى، تورتەۋى كوز جۇمدى، دەپ حابارلايدى infohub.kz سايتى.
Reuters اگەنتتىگى پەنسيلۆانيا دەنساۋلىق ساقتاۋ دەپارتامەنتىنە سىلتەمە جاساپ حابارلاعانداي، 176 ناۋقاس اۋرۋحاناعا جات قىزىلدى. ەڭ اۋىر احۋال لانكاستەر وكرۋگىندە ساقتالىپ وتىر — اۋرۋدىڭ ەڭ كوپ جاعدايى ءدال سوندا انىقتالعان.
ايدىڭ باسىندا شتاتتا قىزىلشامەن اۋىرعان ەكپە سالدىرماعان ءتورت ناۋقاس قازا تاپتى. بۇل جاعدايلار پەنسيلۆانيا گۋبەرناتورى دجوش شاپيرو مەن اقش دەنساۋلىق ساقتاۋ ءمينيسترى روبەرت كەننەدي-كىشىنىڭ اراسىندا كوپشىلىك الدىنداعى پىكىرتالاس تۋدىردى: لاۋازىمدى تۇلعالار ۆيرۋستىڭ وسى ادامداردىڭ بارلىعىنىڭ ولىمىنە تىكەلەي سەبەپ بولعانى-بولماعانىن ءارقالاي باعالادى.
كەلىسپەۋشىلىك اياسىندا اقش-تىڭ اۋرۋلاردى باقىلاۋ جانە الدىن الۋ ورتالىقتارى (CDC) قىزىلشادان بولاتىن ءولىمدى ەسەپكە الۋ ولشەمدەرىن قايتا قارايتىنىن مالىمدەدى. ۆەدومستۆونىڭ رەسمي ستاتيستيكاسىندا ازىرگە ءبىر عانا راستالعان ءولىم جاعدايى بار، ونىڭ وزىندە ناقتى شتات كورسەتىلمەگەن. CDC دەرەگىنشە، 24 قىركۇيەكتەگى جاعداي بويىنشا اقش-تا اعىمداعى جىلى قىزىلشانىڭ 3659 جاعدايى تىركەلگەن.
قىزىلشا — قاتتى قىزبا، تانگە ءتان بورتپە جانە تىنىس الۋ ورگاندارىنىڭ اۋىر اسقىنۋلارىمەن جۇرەتىن اسا جۇقپالى ۆيرۋستىق ينفەكسيا. سونىمەن قاتار اۋرۋ بالالارعا جوسپارلى ەكپە — قىزىلشا، قىزامىق جانە پاروتيتكە قارسى ۆاكسينا ارقىلى ءتيىمدى الدىن الىنادى. پرەپاراتتى ەكى رەت ەنگىزۋ ۆيرۋستان 97%-عا قورعايدى.
بۇعان دەيىن «كۋرسيۆ» بانگلادەشتە قىزىلشانىڭ ەڭ اۋقىمدى ىندەتى جالعاسىپ جاتقانىن جازعان: اعىمداعى جىلدىڭ ناۋرىزىنان بەرى ەلدە اۋرۋعا بايلانىستى 999-عا جۋىق ءولىم تىركەلگەن.