بلوگەر پەرەس حيلتوننىڭ تۋىستارى ونىڭ اۋرۋحانادا ەكەنىن جانە ءقازىردىڭ وزىندە سويلەسە الاتىنىن حابارلادى. وتباسى جانكۇيەرلەرگە قولداۋ كورسەتكەنى ءۇشىن العىس ءبىلدىرىپ، جەكە ومىرلەرىن قۇرمەتتەۋدى سۇرادى، دەپ حابارلايدى infohub.kz.
امەريكاندىق بلوگەر پەرەس حيلتوننىڭ (شىنايى اتى — ماريو ارماندو لاۆاندەيرا-كىشى) وتباسى مەن كومانداسى ونىڭ اۋرۋحاناعا جات قىزىلعانىنان كەيىن رەسمي مالىمدەمە جاسادى. بۇعان دەيىن 48 جاستاعى شوۋمەن TikTok-تاعى تىكەلەي ەفير كەزىندە پسيحيكالىق داعدارىسقا ۇشىراپ، وزىنە جاراقات سالعان بولاتىن. كورەرمەندەردىڭ شۇعىل قوڭىراۋىمەن كەلگەن مايامي-دەيد وكرۋگىنىڭ پوليسەيلەرى ونى جەرگىلىكتى اۋرۋحاناعا جەتكىزدى.
حيلتوننىڭ سايتىنداعى ۇندەۋدە تۋىستارى ونىڭ قاجەتتى مەديسينالىق كومەك الىپ جاتقانىن جانە قايتادان سويلەسە الاتىنىن راستادى، بۇل وتباسىنا ءۇمىت سىيلادى. وتباسى وسى قيىن كەزەڭدە دۇعا ەتىپ، جىلى لەبىزدەرىن جولداپ، قولداۋ بىلدىرگەن جانكۇيەرلەرگە شىن جۇرەكتەن العىسىن ءبىلدىردى.
جاقىندارى جاعداي وتە كۇردەلى جانە ەموسيونالدى ەكەنىن، اقپاراتتىڭ شەكتەۋلى ەكەنىن اتاپ ءوتتى. ولار جۇرتشىلىقتى وتباسىنىڭ جەكە ءومىرىن قۇرمەتتەۋگە شاقىرىپ، جاڭا اقپارات راستالعان سايىن بولىسەتىندەرىن ۋادە ەتتى. قازىرگى ۋاقىتتا بلوگەردىڭ TikTok الەۋمەتتىك جەلىسىندەگى اككاۋنتى پلاتفورما ەرەجەلەرىن بۇزعانى ءۇشىن بۇعاتتالعان.