پەريزات قايرات پەن ونىڭ اناسى عايني الاشباەۆانىڭ قورعاۋشىسى ارمان داۆلەتياروۆ ولاردىڭ ءىسى بويىنشا اپەللياسيالىق شاعىم تۇسىرگەنىن راستادى. ادۆوكاتتىڭ ايتۋىنشا، شاعىمدا ايىپتالۋشىلاردىڭ ارەكەتىندە قىلمىس قۇرامى جوق ەكەنى كورسەتىلىپ، ءبىرىنشى ساتىداعى سوتتىڭ ۇكىمىن جويۋ جانە ولاردى تولىق اقتاۋ سۇرالعان. «ءيا، اپەللياسيالىق شاعىم ءتۇسىردىم. اپەللياسيالىق شاعىمدا ولاردىڭ ارەكەتىندە قىلمىس قۇرامىنىڭ بولماۋىنا بايلانىستى ۇكىمدى جويىپ، ولاردى اقتاۋدى سۇرايمىن»، – دەدى داۆلەتياروۆ.
25 شىلدەدە شىققان سوت شەشىمى ازىرگە زاڭدى كۇشىنە ەنگەن جوق. اپەللياسيالىق شاعىمنىڭ ناقتى قاشان قارالاتىنى بەلگىسىز. سوت ۇكىمىنە سايكەس، پەريزات قايرات 10 جىلعا، ال اناسى عايني الاشباەۆا 7 جىلعا باس بوستاندىعىنان ايىرىلعان. بۇل ءىس قوعامدا ۇلكەن رەزونانس تۋدىرىپ، الەۋمەتتىك جەلىلەردە قىزۋ تالقىلانعان بولاتىن. قورعاۋشى تاراپ ءىستىڭ قايتا قارالۋى ءادىل ۇكىم شىعارۋعا مۇمكىندىك بەرەدى دەپ ۇمىتتەنەدى.