پەرۋدا اۆيااپات بولدى: تۋريستەرى بار ۇشاق قۇلاپ، 11 جولاۋشى، سونداي-اق ۇشقىش پەن ەكسكۋرسوۆود قازا تاپتى، دەپ حابارلايدى infohub.kz سايتى.
جەرگىلىكتى دەرەككوزدەردىڭ مالىمەتىنشە، وقيعا ناسكا پروۆينسياسىنىڭ پۋەبلو-ۆەحو اۋدانىندا، ماريا-رەيحە اۋەجايىنىڭ ماڭىندا بولعان. Aerodiana كومپانياسىنا تيەسىلى اۋە كەمەسى پيسكودان ۇشىپ، ايگىلى ناسكا گەوگليفتەرىنىڭ ۇستىنەن شولۋ رەيسىن ورىنداعان.
بورتتا جەتى يتاليالىق، ەكى نەمىس جانە ەكى يسپاندىق بولعان، ال ەكيپاجدىڭ ەكى مۇشەسى دە پەرۋلىقتار. قازا تاپقانداردىڭ جاسى 18 بەن 78 ارالىعىندا.
ۇشاق ناسكا اۋەجايىنا قونۋعا كىرۋ كەزىندە ديسپەچەرلەرمەن بايلانىسىن جوعالتقان. وقيعا ورنىنا كەلگەن قۇتقارۋشىلار امان قالعاندار جوق ەكەنىن راستاپ، OB-2001 تىركەۋ ءنومىرى بار اۋە كەمەسىنىڭ ءورت تولىعىمەن جويىلعانىن انىقتادى.
ۇشقىش جەرگىلىكتى ۋاقىت بويىنشا 13:01-دە اپات سيگنالىن بەرگەن، سودان كەيىن بايلانىس ۇزىلگەن. اپاتتىڭ سەبەپتەرى انىقتالىپ جاتىر.