پەرۋدا تۋريستىك ۇشاق اپاتىنان بورتىنداعى 13 ادامنىڭ بارلىعى قازا تاپتى. بۇل تۋرالى جەرگىلىكتى ب ا ق پەن پەرۋ بيلىگى حابارلادى. ۇشاق ناسكا سىزىقتارى ارحەولوگيالىق ايماعىنىڭ ۇستىندە ۇشىپ كەلە جاتىپ اپاتقا ۇشىراعان. بورتتا 11 جولاۋشى مەن ەكى ۇشقىش بولعان. اپاتتىڭ سەبەبى مەن جولاۋشىلاردىڭ جەكە باسى ازىرگە بەلگىسىز، دەپ حابارلايدى infohub.kz.
پەرۋدىڭ وڭتۇستىگىندەگى ناسكا سىزىقتارى — تانىمال تۋريستىك ورىن جانە يۋنەسكو-نىڭ بۇكىلالەمدىك مۇرا نىسانى. بۇل جەردە ءشول قۇمىندا ەجەلگى سۋرەتتەر سالىنعان. اپات جەرگىلىكتى ۋاقىت بويىنشا ساعات 13:00 شاماسىندا (19:00 GMT) Pueblo Viejo ايماعىندا بولعان. ۇشاق پيسكو قالاسىنداعى اۋەجايدان ۇشىپ شىققان.
پوليسيا مايورى حورحە اندرادە AFP اگەنتتىگىنە: «اپاتتىڭ اۋىرلىعىنا بايلانىستى ءتىرى قالعاندار جوق. ازىرگە ءتورت ءمايىتتى تاپتىق»، — دەدى.
بۇل اتاقتى نىسان ۇستىندەگى العاشقى ۇشاق اپاتى ەمەس. 2022 جىلى ناسكا سىزىقتارىنىڭ ۇستىنەن ۇشقان تاعى ءبىر شاعىن تۋريستىك ۇشاق اپاتقا ۇشىراپ، جەتى ادام قازا تاپقان ەدى. 2010 جىلى دا تۋريستىك ۇشاق اپاتىنان التى ادام كوز جۇمعان.