قازاقستاندا پەت/كت دياگنوستيكالىق پروسەدۋراسىن كۇتۋ مەرزىمى ايتارلىقتاي قىسقاردى: ءۇش ايدان 14 كۇنگە دەيىن. بۇل دەنساۋلىق ساقتاۋ جۇيەسىنە سيفرلىق قىزمەتتەردى ەنگىزۋدىڭ ارقاسىندا مۇمكىن بولدى، دەپ حابارلايدى infohub.kz سايتى.
دەنساۋلىق ساقتاۋ مينيسترلىگىنىڭ مالىمەتىنشە، وتكەن جىلى 215 ميلليوننان استام مەديسينالىق قىزمەت كورسەتىلگەن، ونىڭ 190،8 ميلليونى (88،6%) ەلەكتروندى فورماتتا ۇسىنىلعان.
سيفرلاندىرۋدىڭ ايتارلىقتاي ناتيجەلەرىنىڭ ءبىرى – مەديسينالىق قۇجاتتاردىڭ ەلەكتروندى تۇرگە كوشۋى. مەديسينالىق انىقتامالاردىڭ 12 ءتۇرى سيفرلاندىرىلعان، ونىڭ بەسەۋى تەك ونلاين رەسىمدەلەدى. 2025 جىلى ازاماتتارعا 8،5 ميلليوننان استام ەلەكتروندى مەديسينالىق انىقتاما بەرىلدى – بۇل ءبىر جىل بۇرىنعىدان 2،2 ەسە كوپ.
قازاقستاندىقتاردىڭ كوبى سيفرلىق سەرۆيستەر ارقىلى دارىگەرگە جازىلادى. 2025 جىلى ونلاين جازىلۋدى 5،6 ميلليون ازامات پايدالانعان، بۇل تىركەۋ بولىمىنە قوسىمشا ءوتىنىمسىز ماماندارعا بارۋدى جوسپارلاۋعا مۇمكىندىك بەرەدى.
2026 جىلدان باستاپ حالىقتىڭ نەگىزگى توپتارىن سيفرلىق سۇيەمەلدەۋدى قامتاماسىز ەتۋ جوسپارلانۋدا، ونىڭ ىشىندە 18 جاسقا دەيىنگى 7 ميلليوننان استام بالا، فەرتيلدى جاستاعى شامامەن 5 ميلليون ايەل جانە 400 مىڭ جۇكتى ايەل بار.
سونداي-اق جاڭا سيفرلىق سەرۆيستەردى ىسكە قوسۋ جوسپارلانۋدا: ونلاين برونداۋ قاعيداتى بويىنشا دارىگەرلەردى قابىلداۋدىڭ ءبىرىڭعاي كەستەسى، e-Health پورتالى جانە ازاماتتارعا، مەديسينا قىزمەتكەرلەرىنە جانە ۇيىمدارعا ارنالعان ءموبيلدى قوسىمشا. سونىمەن قاتار، كەرى بايلانىس قۇرالدارى مەن مەديسينالىق قىزمەت الۋ فاكتىسىن راستاۋ دامىتىلاتىن بولادى.
بۇعان دەيىن «كۋرسيۆ» دەنساۋلىق ساقتاۋ مينيسترلىگى ونلاين فورماتتا قولجەتىمدى مەديسينالىق قىزمەتتەر ءتىزىمىن كەڭەيتەتىن بۇيرىق جوباسىن تالقىلاۋعا شىعارعانىن جازعان. بۇل قازاقستاندىقتارعا قايتالاما قابىلداۋلاردان وتۋگە جانە دياگنوستيكالىق زەرتتەۋلەردىڭ ناتيجەلەرىن ينتەرنەت ارقىلى الۋعا مۇمكىندىك بەرەدى.