پەتروپاۆلدا ءىرى كوممۋنالدىق اپات سالدارىنان 40 كوپقاباتتى تۇرعىن ءۇي مەن ءبىرقاتار بيزنەس نىساندارى، سونىڭ ىشىندە كەيبىر ساۋدا-ويىن-ساۋىق ورتالىقتارى سۋسىز قالدى، دەپ حابارلايدى infohub.kz سايتى.
اپات 40 كوپقاباتتى تۇرعىن ءۇي مەن كاسىپكەرلىك نىساندارىن، ونىڭ ىشىندە جەكەلەگەن سوو-لاردى قامتىدى. جەر استىنان اتىلعان سۋعا بايلانىستى كوممۋنالدىق قىزمەتكەرلەر قالانىڭ ماڭىزدى ارتەرياسى بولىپ تابىلاتىن بۇكىل ماگيسترالدى دەرەۋ وشىرۋگە ءماجىلىر بولدى.
زاقىمدالعان ۋچاسكەنى ىزدەۋگە ون ساعاتتان استام ۋاقىت كەتتى. جۇمىستى اپاتتىڭ قالىڭ اسفالت قاباتىنىڭ استىندا، بەس مەتر تەرەڭدىكتە بولۋى قيىنداتتى.
24 قىركۇيەكتە سۋمەن جابدىقتاۋ قالپىنا كەلتىرىلدى — قالا تۇرعىندارى ۋاقىتشا باسقا ماگيسترالگە قوسىلدى. جوندەۋ بريگادالارى اپات ورنىندا جۇمىسىن جالعاستىرۋدا.
90 سانتيمەترلىك قۇبىردىڭ جارىلعانى انىقتالدى، ونىڭ جاسى شامامەن 40 جىل. اعۋدى جاقىن تاۋلىك ىشىندە جويۋعا ۋادە بەرىلدى.
«ءقازىر كەيبىرەۋلەردە ۇزىلىستەر بولۋى مۇمكىن، ويتكەنى ءبىز ءارى قاراي جاپقىش ارماتۋرامەن مانيپۋلياسيالاردى جالعاستىرامىز. سوندىقتان كەيبىر جەرلەردە ۇزىلىستەر بولۋى مۇمكىن. پەتروپاۆل قالاسىنىڭ تۇرعىندارىنان، ءدال وسى اۋداننىڭ تۇرعىندارىنان تۇسىنىستىك تانىتۋلارىن سۇرايمىن. ءسال شىدامدىلىق، ويتكەنى وسىنداي ۇلكەن ماسەلەنى مۇلدەم ءوشىرۋسىز شەشە المايمىز»، — دەدى « قىزىلجار سۋ» ج ش س باس ينجەنەرى اندرەي فوميچەنكو.