پەتروپاۆلدا ۇزاق ساقتالاتىن دونات پەن نان-توقاش ونىمدەرىن شىعاراتىن Bakerton زاۋىتىنىڭ قۇرىلىسى اياقتالدى. جوبانىڭ قۇرىلىس جانە ينجەنەرلىك بولىگىن BI Group قۇرامىنا كىرەتىن BI-Industrial كومپانياسى جۇزەگە اسىردى، ال وندىرىستىك عيماراتتىڭ اۋدانى شامامەن 17 مىڭ شارشى مەتردى قۇرادى، دەپ حابارلايدى infohub.kz سايتى.
كاسىپورىن Qyzyljar ارنايى ەكونوميكالىق ايماعىنىڭ اۋماعىندا ورنالاسقان. زاۋىتتىڭ جوبالىق قۋاتى — جىلىنا شامامەن 13 مىڭ توننا ءونىم، مۇندا 380-گە جۋىق تۇراقتى جۇمىس ورنىن قۇرۋ كوزدەلگەن.
قۇرىلىس بارىسىندا BI-Industrial كومانداسى نەگىزگى وندىرىستىك كورپۋستى تۇرعىزىپ، ىشكى جانە سىرتقى ينجەنەرلىك جۇيەلەر مەن قاجەتتى قوسىلىمداردى ورىنداپ، ىلەسپە ينفراقۇرىلىم جاساپ، اۋماقتى اباتتاندىردى. كومپانيا ماماندارى سونداي-اق عيماراتتىڭ ينجەنەرلىك جۇيەلەرىن ىسكە قوسۋ-رەتتەۋ جۇمىستارىنىڭ كەشەنىن جۇرگىزدى.
بارلىعى قۇرىلىس كەزىندە شامامەن 4،3 مىڭ تەكشە مەتر بەتون جۇمىسى ورىندالىپ، 1 950 تونناعا جۋىق مەتالل كونسترۋكسيالارى ورناتىلدى. ەڭ قارقىندى كەزەڭدە الاڭدا ءبىر ۋاقىتتا 218 مامانعا دەيىن جۇمىس ىستەدى.
جوبانىڭ باستى ەرەكشەلىكتەرىنىڭ ءبىرى — تاعام وندىرىسىنە قويىلاتىن جوعارى تالاپتار بولدى. قۇرىلىسشىلاردىڭ الدىندا جاي عانا جىلى ءارى گەرمەتيكالىق كورپۋس ەمەس، ساۋلەتتىك جانە ينجەنەرلىك شەشىمدەر قاجەتتى سانيتارلىق رەجيمدى ۇستاۋعا كومەكتەسەتىن باقىلاناتىن وندىرىستىك ورتا قۇرۋ مىندەتى تۇردى.
وسىلايشا، وندىرىستىك ءۇي-جايلارداعى سەندۆيچ-پانەلدەر شاڭ جينالۋى مۇمكىن كولدەنەڭ تۇيىسپەلەر مەن بەتتەردىڭ سانىن ازايتۋ ءۇشىن تىك ورناتىلدى. قابىرعالار ەدەنگە جالعاسقان جەرلەردە ستاندارتتى بۇرىشتاردىڭ ورنىنا بىركەلكى راديۋسىق اۋىسۋلار جاسالدى — بۇل ءۇي-جايلاردى سانيتارلىق وڭدەۋدى تيىمدىرەك جۇرگىزۋگە مۇمكىندىك بەرەدى.
ىشكى كونتۋردىڭ گەرمەتيكالىعىنا ەرەكشە نازار اۋدارىلدى. تۇيىسپەلەر، جالعاسۋلار مەن توبە پانەلدەرى تەحنولوگيالىق پروسەستىڭ تۇراقتى تەمپەراتۋرالىق جاعدايىن ۇستاۋ ءۇشىن قوسىمشا گەرمەتيزاسيالاندى. وندىرىستىك ءۇي-جايلاردا سونداي-اق اشىق مەتالل كونسترۋكسيالار، شىعىڭقى ەلەمەنتتەر جانە سانيتارلىق وڭدەۋگە قيىن جەتەتىن باسقا ايماقتار بارىنشا جويىلدى.
«تاعام وندىرىسىندە قۇرىلىس ساپاسى بولاشاق تەحنولوگيالىق پروسەسسىمەن تىكەلەي بايلانىستى. مۇندا جەكەلەگەن تۇيىسپەلەر مەن جالعاسۋلارعا دەيىنگى شەشىمدەردىڭ ماڭىزى زور. سوندىقتان ءبىزدىڭ مىندەتىمىز جاي عانا وندىرىستىك كورپۋس سالۋ ەمەس، تاپسىرىس بەرۋشىنىڭ تەحنولوگياسىن ورنالاستىرۋ مەن ىسكە قوسۋ ءۇشىن تولىق دايىن ينجەنەرلىك ورتا قۇرۋ بولدى»، — دەدى BI-Industrial جوبا جەتەكشىسى عابيدەن ەنسەبايەۆ.
نىسانداعى جۇمىستار كەزەڭ-كەزەڭىمەن ورىندالدى. باستاپقىدا BI-Industrial عيماراتتىڭ نەگىزگى كونتۋرىن سالۋعا جاۋاپتى بولدى. كەيىننەن كومپانيانىڭ جاۋاپكەرشىلىك ايماعى كەڭەيىپ، ىشكى جانە سىرتقى ينجەنەرلىك جۇيەلەردى، قوسىلىمداردى، ينفراقۇرىلىمدى جانە اۋماقتى اباتتاندىرۋدى قامتىدى.
كونسترۋكسيالار مەن ينجەنەرلىك كوممۋنيكاسيالاردى ۇيلەستىرۋ ءۇشىن كوماندا 3D-مودەلدەۋدى پايدالاندى، بۇل الاڭدا ءتيىستى جۇمىستاردى ورىنداماس بۇرىن تەحنيكالىق شەشىمدەردى الدىن الا پىسىقتاپ، ءارتۇرلى جۇيەلەردى بايلانىستىرۋعا مۇمكىندىك بەردى.
وندىرىستىك جەلىلەردىڭ تەحنولوگيالىق جابدىعى تاپسىرىس بەرۋشى تاراپىنان ساتىپ الىنىپ، بەيىندى جەتكىزۋشىلەر ورناتتى. BI-Industrial ءوز تاراپىنان وندىرىستىك جابدىقتى ينتەگراسيالاۋ جانە زاۋىتتى كەيىننەن ىسكە قوسۋ ءۇشىن كاسىپورىننىڭ قۇرىلىستىق جانە ينجەنەرلىك دايىندىعىن قامتاماسىز ەتتى.
Bakerton جوباسى BI-Industrial كومپانياسىنىڭ وندىرىستىك نىساندار پورتفەلىن تولىقتىردى. بۇگىندە كومپانيا قازاقستاندا تاعام ونەركاسىبىنەن باستاپ مۇناي-حيميا، حيميا ءوندىرىسى جانە ەنەرگەتيكاعا دەيىنگى ءارتۇرلى سالالارداعى ءىرى وندىرىستىك جوبالاردى ىسكە اسىرۋعا قاتىسادى. ديۆيزيوننىڭ تاپسىرىس بەرۋشىلەرى مەن سەرىكتەستەرىنىڭ قاتارىندا PepsiCo، Silleno، Qazaq Soda، Masdar جانە باسقا دا حالىقارالىق ءارى قازاقستاندىق كومپانيالار بار. Bakerton تاجىريبەسى BI-Industrial كومپانياسىنىڭ قۇرىلىستىق جانە ينجەنەرلىك شەشىمدەرگە قويىلاتىن تالاپتار بولاشاق تەحنولوگيالىق پروسەستىڭ بولىگى بولىپ تابىلاتىن تاعام ونەركاسىبى كاسىپورىندارىن سالۋ سالاسىنداعى قۇزىرەتىن كەڭەيتتى.