پەتروپاۆل بوتانيكالىق باعىندا كۇتپەگەن ماسەلە تۋىندادى: مەكەمە قىزمەتكەرلەرى قورعالاتىن اۋماققا ەسىرتكى جەتكىزۋشىلەر مەن ولاردىڭ كليەنتتەرىنىڭ ناعىز قاجىلىق جاساپ جاتقانىن ايتىپ وتىر، دەپ حابارلايدى infohub.kz سايتى.
ب ا ق قىزمەتكەرلەرى مۇندا كەلەتىن، ءبىراق تاڭعاجايىپ وسىمدىكتەرگە دە، سيرەك كەزدەسەتىن جانۋارلار مەن قۇستارعا دا مۇلدە قىزىقپايتىن بەيتانىس ادامداردىڭ لەگىن بايقاعان. ولاردىڭ ايتۋىنشا، قارا كيىمدى ادامدار جەرگە بىردەڭە سالىپ كەتەدى، ال باسقالارى سوڭىنان ىزدەيدى.
وقيعا ورنىنا كەلگەن پوليسەيلەر كۇدىكتى سالەمدەمەنى تاپتى. ونىڭ ىشىندەگى زات ساراپتاماعا جىبەرىلدى.
ايتا كەتەيىك، بيىل بوتانيكالىق باققا كوپتەن كۇتكەن ەرەكشە قورعالاتىن تابيعي اۋماق مارتەبەسى بەرىلدى. ەندى مۇندا قاۋىپسىزدىكتى ۇيىمداستىرۋ جوسپارىن جۇزەگە اسىرۋ كوزدەلىپ وتىر.
«بۇل كامەرالار وسىمدىكتەرگە كەدەرگى جاساماۋى كەرەك. ياعني، مىنا بۇتاق كەدەرگى بولىپ تۇر، كامەرا جاقسىراق كورۋى ءۇشىن كەسىپ تاستايىق دەپ ايتۋ مۇمكىن ەمەس. مۇندا عىلىمي تۇرعىدان كەلۋ قاجەت»، — دەپ ءتۇسىندىردى مەكەمە ديرەكتورى ارتۋر ريازاپوۆ.