سولتۇستىك قازاقستان وبلىسىندا پوليسەيلەر پەتروپاۆلعا اسا ءىرى كولەمدەگى سينتەتيكالىق ەسىرتكى اكەلۋ ارەكەتىنىڭ جولىن كەستى، دەپ حابارلايدى infohub.kz سايتى.
ىشكى ىستەر مينيسترلىگىنىڭ اقپاراتتىق مەدياپورتالىنىڭ مالىمەتىنشە، جەدەل-ىزدەستىرۋ ءىس-شارالارى بارىسىندا قالا اۋماعىندا 25 جاستاعى شەتەلدىك ازامات ۇستالدى. ءتىنتۋ كەزىندە ونىڭ سومكەسىنەن كروسسوۆكالار الىنىپ، ىشىنەن 250 گرامم سينتەتيكالىق ەسىرتكى a-PvP تابىلىپ، تاركىلەندى.
ۆەدومستۆونىڭ مالىمدەۋىنشە، شەتەلدىك قازاقستاندا زاڭدى تۇردە جۇمىس ىستەگەن — قۇرىلىستا، سونداي-اق سامسا پىسىرۋمەن اينالىسقان. الايدا پوليسيا دەرەگىنشە، شامامەن ءبىر اپتا بۇرىن ول پسيحوتروپتىق زاتتاردى ساتاتىن ينتەرنەت-دۇكەندەردىڭ بىرىنە «جۇمىسقا تۇرعان».
«ۇستالعان ادامنىڭ ايتۋىنشا، ول سينتەتيكالىق ەسىرتكىنىڭ پارتياسىن استاناداعى "تاينيكتەن" الىپ، پەتروپاۆلعا جەتكىزىپ، ونى قاپتاپ، كەيىن "زاكلادكالار" ارقىلى تاراتۋدى جوسپارلاعان»، — دەدى ىشكى ىستەر مينيسترلىگىندە.
قازىرگى تاڭدا ەر ادام قاماۋدا وتىر. ەسىرتكىنى اسا ءىرى كولەمدە ساتۋ فاكتىسى بويىنشا سوتقا دەيىنگى تەرگەۋ جۇرگىزىلۋدە.