پەتروپاۆلداعى لومباردتان ءىرى كولەمدەگى التىن بۇيىمدار ۇرلاندى — ۇيىم باسشىلىعى قىلمىستى اشۋدعا كومەكتەسكەندەرگە سىياقى تولەيتىنىن جاريالادى، دەپ حابارلايدى infohub.kz سايتى.
ۇرلىق تۋرالى حابارلاما لومباردتىڭ Instagram پاراقشاسىندا جاريالاندى. جاريالانىمداعى دەرەكتەرگە سۇيەنسەك، 2026 جىلعى 15-16 تامىزعا قاراعان ءتۇنى پەتروپاۆل قالاسىنداعى جاۋاپكەرشىلىگى شەكتەۋلى سەرىكتەستىكتىڭ ءبىر بولىمشەسىنە بەلگىسىز ادام ق ۇلىپتى بۇزىپ كىرىپ، ءىرى كولەمدەگى التىن بۇيىمداردى ۇرلاپ كەتكەن.
«ەگەر بىرەۋ وسى م ۇلىكتى ۇرلاۋ فاكتىسى تۋرالى ناقتى بىلەتىن بولسا، قىلمىستى اشۋعا كومەكتەسۋلەرىڭىزدى سۇرايمىز. اقپاراتتىڭ قۇپيالىلىعىنا كەپىلدىك بەرەمىز جانە لايىقتى سىياقى تولەيمىز»، — دەلىنگەن حابارلامادا.
NUR.KZ تىلشىسىنە سولتۇستىك قازاقستان وبلىسى پوليسيا دەپارتامەنتىندە حابارلاعانداي، پەتروپاۆلداعى لومباردتان جاسالعان ۇرلىق فاكتىسى بويىنشا سوتقا دەيىنگى تەرگەۋ جۇرگىزىلۋدە.
«وقيعا ورنى قارالىپ، زاتتاي دالەلدەمەلەر الىندى، بەينەباقىلاۋ كامەرالارىنىڭ جازبالارى زەرتتەلۋدە، ۇيىم قىزمەتكەرلەرى مەن كۋاگەرلەر جاۋاپقا تارتىلدى. ۇرلىققا قاتىسى بار ادامدى جانە ۇرلانعان م ۇلىكتىڭ ورنالاسقان جەرىن انىقتاۋ ءۇشىن قاجەتتى تەرگەۋ جانە جەدەل-ىزدەستىرۋ شارالارى جۇرگىزىلۋدە»، — دەپ ناقتىلادى پوليسيادا.
ۆەدومستۆو وكىلدەرى قىلمىستىق ءىس جۇرگىزۋ كودەكسىنىڭ 201-بابىنا سايكەس وزگە مالىمەتتەر جاريا ەتۋگە جاتپايتىنىن اتاپ ءوتتى.